ომეგა ჯგუფის დამფუძნებლის ზაზა ოქუაშვილის განცხადებით, ქართული ოცნების დამფუძნებელმა, ბიძინა ივანიშვილმა ოპოზიციური პარტიის, პატრიოტთა ალიანსის დაფინანსება მოსთხოვა. ამის შესახებ პატრიოტთა ალიანსიდან აჭარის უმაღლესი საბჭოს წევრმა ოქუაშვილმა ტელეკომპანია რუსთავი 2-თან მიცემულ ინტერვიუში განაცხადა.
“ეს იყო პირამიდა, ივანიშვილისგან მოდიოდა”, — განმარტა ზაზა ოქუაშვილმა.
მისი თქმით, ივანიშვილმა, ასევე, მოთხოვა, რომ თავისი მოგებიდან 50%-ით ქართული ოცნება დაეფინანსებინა. თუმცა, როგორც ის ამბობს, მას პატრიოტთა ალიანსი და ქართული ოცნება აღარ დაუფინანსებია.
პატრიოტთა ალიანსის დაფინანსების საკითხს ფეისბუქზე გამოეხმაურა პარტიის დამფძნებელი, ირმა ინაშვილი. მისი თქმით, მისთვის დამაჯერებელი არაა, რომ ივანიშვილი, ან ვინმე სხვა, მისი პარტიის დაფინანსებას მოთხოდა.
“ერთადერთი, ვისაც აწყობს დღეს მსგავსი განცხადება, სწორედ სააკაშვილი და ნაცმოძრაობაა. თუმცაღა, ბატონი ზაზა თავისი ინტერვიუს ფინალში ღიად უცხადებს მხარდაჭერას სწორედ ნაცმოძრაობას, მაგრამ მე კიდევ ერთხელ ვამბობ: ძალიან მიკვირს ბატონი ზაზასგან ჩვენი მისამართით გაკეთებული ეს განცხადება.”
ომეგა ჯგუფის დამფუძნებელმა და ბიზნესმენმა ზაზა ოქუაშვილმა თქვა, რომ ბიძინა ივანიშვილს შეხვდა და დახმარება სთხოვა ყოფილი ხელისუფლების დროს სადავო 25 მილიონ ლარზე. ოქუშვილის თქმით, საქმის შუამავალი სპორტის ყოფილი მინისტრი იყო.
ბიზნესმენმა ასევე თქვა, რომ სპორტის ყოფილ მინისტრს, ლევან ყიფიანს ყოფილი პროკურორი, ოთარ ფარცხალაძე ფიზიკურად გაუსწორდა და გაუპატიურებით დაემუქრა.
