ლიბიის პრემიერი ალი ზეიდანი შეიარაღებულმა პირებმა გაიტაცეს.
შეიარაღებული ჯგუფი დედაქალაქ ტრიპოლში იმ სასტუმროს დაესხა თავს, სადაც ზეიდანი იყო გაჩერებული. პრემიერი გამთენიისას სასტუმროს წინ გაჩერებულ მანქანაში ჩასვეს და გაურკეველი მიმართულებით წაიყვენს.
გავრცელებული ინფორმაციის თანახმად, გატაცებისას შეიარაღებული შეტაკება არ მომხდარა.
ლიბიის პრემიერის ოფისმა ინფორმაცია ჯერ უარყო, შემდეგ კი დაადასტურა. გატაცებაზე პასუხისმგებელობა ლიბიის რევოლუციურ ოპერაციათა გაერთიანების სახელწოდების ჯგუფმა აიღო.
ორგანიზაციის განცხადებით, პრემიერი ზეიდანი ამერიკელი სამხედროების მიერ განსახორციელებელი ოპერაციის შესახებ ინფორმაციის ფლობის გამო გაიტაცეს.
შეგახსენებეთ, რომ ამერიკელმა სამხედროებმა გასულ კვირაში 1998 წელში ტანზანიასა და კენიაში ამერიკის საელჩოებზე განხორციელებული სისხლიანი თავდასხმების გამო ძებნილი ლიბი ტრიპოლში გზაში დააკავეს და ხმელთაშუა ზღვაში მყოფ გემზე წაიყვანეს.
გავრცელებული ინფორმაციის თანახმად, საერთაშორისო წყლებში ლიბის დაკითხვა მიმდინარეობს. ლიბიის მთავრობამ კი ლიბის მათთვის გადაცემა მოითხოვა.
11.10.13