სამართალდამცველებმა პროსტიტუციისთვის ადგილის გადაცემის ბრალდებით, ორი ქალი დააკავეს. შინაგან საქმეთა სამინისტროს ინფორმაციით, დაკავებულები არიან ქერჩის ქუჩაზე მდებარე სასტუმრო ,,შემოიხედეს” ადმინისტრატორები – 1972 წელს დაბადებული ირინე ბ. და 1970 წელს დაბადებული ფატმან ნ.
შსს-ს ცნობით, გამოძიებამ დაადგინა, რომ ბრალდებულები, გარკვეული პერიოდის განმავლობაში, გასამრჯელოს სანაცვლოდ ქალბატონებს პროსტიტუციისთვის ფართს უთმობდნენ.
ამასთან, სამართალდამცველებმა სასტუმროში მომუშავე ქალბატონები მოწმის სახით დაკითხეს.
გამოძიება პროსტიტუციისთვის ადგილის გამოყოფის ფაქტზე მიმდინარეობს (სსსკ-ს 254-ე მუხლით).
18.10.13
