კუნძულ კვიპროსის პრობლემის მოგვარების გზაზე ამ დღეებში ერთი ისტორიული ნაბიჯი გადაიდგმება.
ჩრდილოეთ კვიპროსის თურქული რესპუბლიკისადმი დაწესებული ემბარგო ფეხბურთში გაუქმდება და კუნძულის ორივე მხარე, ბერძნულიც და თურქულიც ამიერიდან საერთაშორისო ასპარეზობებზე ერთი საერთო ნაკრებით იქნება წარდგენილი, რის შესახებაც განაცხადა ფიფას პრეზიდენტმა ბლატერმა.
ამ პროექტის განხორციელების მიზნით კი ორივე მხარის ფეხბურთის ფედერაციების ხელმძღვანელები 5 ნოემბრისათვის შვეიცარიის ქალაქ ციურიხში იქნენ მიწვეულნი და შეკრებაში მონაწილეობას მიიღებს უეფას თავჯდომარე მიშელ პლატინიც.
21.10.13