სწრაფი გადახდის კომპანიები „საქართველოს ბანკსა“ და „თიბისის“ უპირისპირდებიან და ეროვნული ბანკისგან მოითხოვენ, “საქართველოს ბანკსა” და “თიბისის” რეგულაციები დაუწესოს.
მათი განმარტებით “იქმნება შთაბეჭდილება, რომ “საქართველოს ბანკისა” და “თიბისის” ინტერესია, 0%-იანი ტარიფით მხოლოდ ეს ორი მოთამაშე დარჩეს ბაზარზე და შემდეგ უკვე თავად არეგულირონ ის, რაც მოუნდებათ, ჩვენ კი იძულებულები ვართ, მომხმარებელს გარკვეული პროცენტიანი გადასახადი დავუწესოთ. ეს იმიტომ ხდება, რომ ჩვენ ადრე ფულს მობილური ოპერატორები გვიხდიდნენ, ახლა კი ისინი ჩვენ აღარ გვიხდიან ფულს. შესაბამისად, იმ შემთხვევაში, თუ ჩვენი გადახდაც მობილურ აპარატებზე 0%-იანი იქნება, არც მოგება გვექნება და, შესაბამისად, არც ჩვენს ბიზნესს ექნება აზრი”, – აცხადებენ
სწრაფი გადახდის კომპანიების წარმომადგენლები, რომლებიც დღეს იუსტიციის სახლში საპროტესტო აქციაზე შეიკრიბნენ, მოგვიანებით კი, დღის განმავლობაში აქციების “საქართველოს ბანკთან”, ეროვნული ბანკის ცენტრალურ ოფისთან და მთავრობის კანცელარიასთან გამართვას გეგმავენ.
22.10.13
