ეკონომიკის მინისტრი ნათია თურნავა აცხადებს, რომ ლარის ბოლოდროინდელი გამყარება იმის დასტურია, რომ ეროვნული ვალუტა მყარი და ჯანსაღი ვალუტაა და ეკონომიკა მყარად ვითარდება.
„ლარის გამყარება აბსოლუტურად ლოგიკური და მოსალოდნელი ტენდენციაა, რაზეც ჩვენ უკვე ამდენი ხანია ვსაუბრობთ. სწორედ ამას ვამბობდი, რომ როდესაც ნეგატიური მოლოდინები შემცირდება, ვნებათაღელვა დაცხრება, პოლიტიკური სტაბილურობაც უწყობს ამას ხელს, ლარის დინამიკა წავა გამყარებისკენ და რა თქმა უნდა, ეს ასეც ხდება. პირველ რიგში იმიტომ, რომ ჩვენი ეკონომიკა არის ჯანსაღი”, – აღნიშნა თურნავამ.
