2 დღის წინ
ირაკლი ხმალაძე – ჭავჭავაძის გამზირზე მოძრაობის სქემა სისტემურად შეიცვალა და მასთან შეჩვევას გარკვეული დრო სჭირდება
4 დღის წინ
პრემიერის განცხადებით, რაჭაში სტიქიის შედეგების აღმოფხვრას შესაძლოა, 50 000 000 ლარამდე დასჭირდეს
4 დღის წინ
პრემიერის ინფორმაციით, რაჭაში 4 სოფელი 1 თვე იქნება გარესამყაროს მოწყვეტილი, მაგისტრალურ გზაზე სერიოზული ჩამონგრევებია, 4 ხიდი კი სრულად აღსადგენია
4 დღის წინ
ნათია თურნავა – „ანაკლიის კონსორციუმის“ და ერთ-ერთი მთავარი ინვესტორის საარბიტრაჟო დავას არანაირი სამართლებრივი პერსპექტივა არ გააჩნია
4 დღის წინ
პრემიერ-მინისტრი სოფელ ღარში სტიქიით მიყენებული ზიანის სალიკვიდაციო სამუშაოების მიმდინარეობას გაეცნო

ეკონომიკისა და მდგრადი განვითარების მინისტრი, ნათია თურნავა იმ 200-მილიონიანი დახმარების პაკეტის წარმომავლობას განმარტავს, რითაც სახელმწიფო ტურიზმის სექტორს დაეხმარება.

როგორც თურნავამ მთავრობის ადმინისტრაციაში გამართულ ბრიფინგზე განაცხადა, ამ პაკეტში ყველაზე წონადი საგადასახადო შეღავათებია, რაც ჯამში, დაახლოებით, 135 მილიონი ლარია.

„200 მილიონი ლარის საერთო ღირებულების პაკეტი ეს არის მესამე ეტაპის ანტიკრიზისული ღონისძიებები. ჩვენ პირველივე დღიდან, მარტის თვიდან ვეხმარებით ტურისტულ ინდუსტრიას, მაგრამ ახლა ყველაზე კრიტიკული და გადამწყვეტი ეტაპია. 200 მილიონის ფარგლებში არის არა მარტო ის, რომ გადავაგორებინოთ და გადავალახინოთ რაღაცნაირად ტურიზმს ეს პერიოდი, არამედ, მოვამზადოთ გახსნისთვის. გახსნის თარიღები არის ძალიან ახლოს. ეს არის ამბიციური მაგრამ სრულიად მისაღწევი გეგმა.

რისგან შედგება ეს ფინანსური პაკეტი და ბიუჯეტი, რომელსაც მესამე ეტაპის ანტიკრისიზულ ღონისძიებებს მოვახმართ ტურიზმთან მიმართებაში? – ყველაზე წონადი არის საგადასახადო შეღავათები, ჯამში 135 მილიონი დაახლოებით, პირველ რიგში ეს არის 2020 წელს ქონების გადასახადისგან სრული გათავისუფლება და ასევე საშემოსავლო გადასახადის წლის ბოლომდე გათავისუფლება. ეს ორი შეღავათი არის ყველაზე წონადი ამ 200 მილიონ ლარში, რომელზეც უარს ვამბობთ ტურიზმის ინდუსტრიის სასარგებლოდ, ჩავტოვებთ ამ ფულს კომპანიებში, რომ შეძლონ ხელფასების, დავალიანებების გადახდა და მოემზადონ უსაფრთხოდ ამოქმედდნენ სულ რაღაც ერთ თვეში“, – განაცხადა თურნავამ.

რაც შეეხება დანაჩენ თანხას, მისივე განმარტებით, ეს არის 60 მილიონი ლარი „აწარმოე საქართველოში“ პროგრამების ფარგლებში.

„ახალი ბიუჯეტი ცვლილებებით იქნება დამტკიცებული ამ პროგრამისთვის. ეს თანხა მოხმარდება 20 მილიონ ლარამდე ბრუნვის მქონე სასტუმროებს და ასეთი არის უდიდესი უმრავლესობა. ეს თანხა მოხმარდება სესხის პროცენტის 90%-ით სუბსიდირებას, პლიუს ასევე 5 მილიონი, რაც ასევე შეღავათებს და დახმარების პაკეტს შეიცავს ტურისტული კომპანიებისთვის, გიდებისთვის, ტუროპერატორებისგან. ეს თანხა მოდის ბიუჯეტიდან და მათ შორის, იმ მილიარდნახევრიანი დახმარების პაკეტის ნაწილია. ჩვენი დონორები, საერთაშორისო ინსტიტუტები ძალიან გვერდში გვიდგანან მათ შორის იმ ნაწილში, რა ნაწილიც ეხება დაზარალებული, მცირე ბიზნესების დახმარებას“, – განაცხადა თურნავამ.

Please follow and like us: