19 საათის წინ
აშშ-ის კონგრესის წარმომადგენელთა პალატის ასიგნებების კომიტეტმა კანონპროექტი დაამტკიცა, რომელშიც საქართველოსთვის ფინანსური დახმარების გაწევის პირობებზეა საუბარი
19 საათის წინ
ერთიან ეროვნულ გამოცდებზე გასულ აბიტურიენტს კორონავირუსი დაუდასტურდა
19 საათის წინ
11 წლის გოგონამ ბავშვებისთვის 500 საბანი და 1100 პირბადე შეკერა
19 საათის წინ
სოფო კილაძე – საქართველოსა და აშშ-ის ურთიერთობა არის უმაღლეს ნიშნულზე, რაც გვქონია ბოლო წლების განმავლობაში
19 საათის წინ
საქართველოს პროკურატურა – ექსპერტიზის დასკვნის თანახმად, გიორგი შაქარაშვილის სიკვდილის მიზეზია ასფიქსია წყალში დახრჩობით

სოფლის მეურნეობის ანტიკრიზისული გეგმა, მათ შორის, ითვალისწინებს „სასოფლო-სამეურნეო დანიშნულების მიწის მესაკუთრეთა სტიმულირების“ პროგრამას. სამინისტროს ცნობით, პროგრამით გათვალისწინებული სუბსიდიის მისაღებად საჭიროა, ფიზიკურ და იურიდიულ პირებს საკუთრებაში ჰქონდეთ საჯარო რეესტრში რეგისტრირებული 0.25-დან 10 ჰა-მდე სასოფლო-სამეურნეო დანიშნულების მიწის ნაკვეთი.

ამ პროგრამით გათვალისწინებული ქულების დარიცხვა უკვე 20 მაისიდან არია დაწყებული. რას ითვალისწინებს და რა შედეგებზეა ორიენტირებული ის? აღნიშნულის შესახებ „თბილისი თაიმსს“ ეკონომიკის ექსპერტი, სოსო არჩვაძე ესაუბრა.

„ზოგადად, ნებისმიერი ბიზნესი ჩვენს ქვეყანაში იღებს ძალზე დიდ იმპულსს იმის მიხედვით, თუ როგორ არის გადაწყვეტილი საკუთრების საკითხები. ადამიანები, ბიზნესმენები რეაგირებენ სტიმულებზე. როდესაც წარმოების ერთ-ერთი უმნიშვნელოვანესი ფაქტორი – მიწა პოულობს საკუთარ მესაკუთრეს, მეპატრონეს – ეს უქმნის გრძელვადიან პერსპექტივებს, სტიმულებს – და ამ საკუთრების შეცვლა არ იქნება დამოკიდებული ხელისუფლების ცვლილებებზე – რომ თავისთვის და ქვეყნისთვის სასარგებლო საქმეებით დაკავდეს“, – აღნიშნავს ექსპერტი.

სოსო არჩვაძის შეფასებით, როდესაც წარმოების ერთ-ერთი უმნიშვნელოვანესი ფაქტორი პოულობს მკაფიო, გამოკვეთილ და არაორაზროვან მესაკუთრეს, ეს, რა თქმა უნდა, დამატებითი სტიმულია ყოველგვარი დამატებითი კაპიტალდაბანდების გარეშე.

„წარმოიდგინეთ, როდესაც ჩნდება მიწაზე მესაკუთრე, ეს უკვე სინერგიის ეფექტის მატარებელია სხვა ფაქტორების მოსაზიდად – იქნება ეს ინვესტიციები, დამატებითი კვალიფიციური სამუშაო ძალა, ცოდნის დანერგვა. ფაქტობრივად, ეს დააჩქარებს აგრარული სექტორის განვითარებას“, – განაცხადა ეკონომიკის ექსპერტმა ჩვენთან საუბრისას.

ავტორი: მარიამ ტიელიძე

Please follow and like us: