საქართველოს საკონსტიტუციო სასამართლოს ახალი თავმჯდომარის ვინაობა დღეს გახდება ცნობილი.
თავმჯდომარეობისთვის პლენუმის ორი მოსამართლე ირინა იმერლიშვილი და მერაბ ტურავა იბრძვის.
როგორც ცნობილია, საკონსტიტუციო სასამართლოს ცხრა მოსამართლიდან ამ თანამდებობაზე ასარჩევად ხუთმა მერაბ ტურავა, ხოლო ოთხმა ირინა იმერლიშვილი წარადგინა.
კენჭისყრაში თავად კანდიდატებიც მიიღებენ მონაწილეობას.
ირინა იმერლიშვილი საქართველოს საკონსტიტუციო სასამართლოში მოსამართლედ საქართველოს ყოფილმა პრეზიდენტმა გიორგი მარგველაშვილმა ოთხი წლის წინ წარადგინა, ხოლო მერაბ ტურავა საქართველოს პარლამენტის კვოტით 5 წლის წინ დაინიშნა.
ახალი თავმჯდომარე საქართველოს საკონსტიტუციო სასამართლოს ხუთი წლის ვადით უხელმძღვანელებს.
