2020 წელი ყოველდღიურად მოულოდნელ გადაწყვეტილებებს გვთავაზობს – ხშირად, არცთუ ისე სასიამოვნოს. ამ ყველაფრის კვალდაკვალ, ყველასთვის საყვარელი და გამორჩეული დღესასწაული – თბილისობა წელს განსხვავებული ფორმატით ჩატარდება. როგორც ვიცით, ამ დღეს ხალხმრავლობა და მასობრივი გართობა ახასიათებს. თუმცა, ამ წელს თბილისობისთვის დაგეგმილი კონცერტების ხილვა მხოლოდ ტელეეკრანებიდან იქნება შესაძლებელი.
რომ დავფიქრდეთ, შესაძლებელია, ეს დღე მაინც იყოს ჩვენთვის საინტერესო და, ამავდროულად, შევინარჩუნოთ მისი მთავარი იდეა – გავიცნოთ ჩვენი დედაქალაქი უკეთ და გავაცნოთ ის სხვებს.
არსებობს მეთოდები, რითაც ეს შესაძლებელია.
1. ვნახოთ ფილმები, რომლებიც მომზადებულია ჩვენი დედაქალაქის შესახებ
როგორც ვიცით, ინფორმაციის გავრცელების ერთერთი საუკეთესო მეთოდი სწორედაც რომ კადრებია, ანუ ის, რაც ჩვენს მეხსიერებაში საიმედოდ ილექება. არაერთი ფილმი თუ სერიალი მომზადებულა თბილისის შესახებ. თითოეულ სცენარში აუცილებლად აღმოაჩენს რაღაც უცნობსა და განსაკუთრებულს.
2. ვეცადოთ, დავეკონტაქტოთ თუნდაც ერთ უცხოელს
ეს სირთულეს სულაც არ წარმოადგენს. თითოეულმა ჩვენგანმა მიზნად რომ დაიდსახოს, თბილისობის დღესასწაულზე თუნდაც ერთი უცხო ქვეყნის წარმომადგენს მიაწოდოს ჩვენი დედაქალაქის შესახებ ფაქტობრივი ან ნებისმიერი სახის ინფორმაცია, ეს უკვე საკმაო წარმატება იქნება – ამ გზით ჩვენ გვაქვს შესაძლებლობა, კიდევ ერთხელ გავუსვათ ხაზი, რატომ არის საქართველოს დედაქალაქი საინტერესო.
3. გავასაჯაროოთ თუნდაც ერთი “ფეისბუქპოსტი”
ჩვენ ხომ ინტერნეტისა და სოციალური ქსელების საუკუნეში ვცხოვრობთ – ეს ნიშნავს იმისა, რომ გვაქვს შესაძლებლობა, გავავრცელოთ ამბები, ემოციები, სურვილები… საინტერესო იქნება, თუ ჩვენს ახლობლებსა და მეგობრებს თუნდაც ერთ ამბავს გავუზიარებთ, რაც თბილისთან, მის ისტორიასთან, მის ყოველდღიურობასთან იქნება დაკავშირებული – სოციალურ ქსელში ყველაფერი საინტერესო სწრაფად ვრცელდება.
4. ვიფიქროთ და მოვიგონოთ თამაშები
ადამიანებს გვაქვს რესურსი, მუდმივად მოვიფიქროთ რაიმე ახალი. გამომდინარე იქედან, რომ ჩვენს პატარა საქართველოს დიდზე დიდი ისტორია აქვს, მისი და მისი დედაქალაქის წარმიმადგენლებს გვაქვს საფუძველი, გავაცოცხლოთ, გავახალისოთ ეს ისტორია და მოვიგონოთ თამაშები, რომლებიც იქნება ისტორიული, საგანმანათლებლო, საკამათო, სადისკუსიო. ეს იქნება გამოწვევა, რომელიც საშუალებას მოგვცემს, ჩვენი ცოდნა შევამოწმოთ და გავაფართოოთ.
5. ვესაუბროთ ემიგრანტებს
თბილისიდან უცხო ქვეყანაში წასულმა თბილოსელებმა განსაკუთრებულად კარგად იციან, რა განასხვავებს ჩვენს დედაქალაქს სხვათაგან. თუკი ჩვენ მათ დავუკავშირდებით, შეგვიძლია, გავიგოთ, რა აინტერესებთ უცხოელებს თბილისის შესახებ. გარდა ამისა, როგორც ვიცით, საქართველო დიდი ისტორიისა და ტრადიციებიდ მატარებელი ქვეყანაა – მათ შორის, თბილისი. ამ შემთხვევაში, გვაქვს საფუძველი, ემიგრანტი ვაქციოთ შუამავლად, რომელიც სწორედაც რომ ამ განსაკუთრებულ მახასიათებლებს გაუსვამს ხაზს თბილისზე საუბრისას.
გარდა ამ იდეებისა, ცხადია, სხვა მეთოდების მოფიქრებაც შესაძლებელია, თუ როგორ აღვნიშნოთ თბილისობა საინტერესოდ და, ამავდროულად, უსაფრთხოდ – თანაც ისე, რომ შევინარჩუნოთ ძველი და ვიფიქროთ, რა ვთქვათ ახალი.
მასალა მოამზადა : მარიამ ტიელიძემ
