ლეგენდარული ინგლისელი ვეტერანი ფეხბურთელი დევიდ ბეკჰემი ნატურალური თაფლის გაყიდვას იწყებს. როგორც “დეილი მეილი“ წერს, ბეკჰემი მეფუტკრეობით კორონავირუსის გამო დაწესებული კარანტინის დროს დაინტერესდა.
ყოფილმა ფეხბურთელმა თავისი ახალი ჰობის შესახებ ჯერ კიდევ სამი თვის წინ შეატყობინა გულშემატკივრებს სოციალური ქსელების საშუალებით. ფუტკრის სკები მას ქოთსვოლდის აგარაკზე აქვს და მის მოვლაში მთელი ოჯახია ჩართული.
როგორც ჩანს, დევიდმა ჰობი უკვე ბიზნესად აქცია. თაფლს, რომელსაც დევიდი გაყიდის, ერქმევა “D Bee, Seven Honey and Goldenbees.“
ბეკჰემი საქმეს პროფესიონალურად უდგება და ფუტკრის მოვლა მან სპეციალისტისგან შეისწავლა. აღსანიშნავია, რომ ბეკჰემს ხელმარჯვეობა ეხერხება და ფუტკრებისთვის ერთ-ერთი სახლი საკუთარი ხელით შეჭედა.
ფუტკრების მოვლაში ჩართულები არიან შვილებიც და მათ შორის უმცროსი გოგონა სევენ ჰარპერიც. მამა და შვილები სპეციალურ ეკიპირებას ირგებენ და ფუტკრებს უვლიან. ამბობენ, რომ ეს საინტერესო და სახალისო საქმეა.
თავდაპირველად დევიდის ახალი გატაცებით ვიქტორია დიდად მოხიბლული არ იყო. მეფუტკრე დევიდს ფუტკრების ფოტოზე ასეთი კომენტარი დაუწერა – “ეს შენი ახალი პროექტია, ძვირფასო?“, – რაზეც დევიდმა უპასუხა – “კი, არის. ძალიან ბედნიერი იქნები, როცა საკუთარი თაფლი გვექნება“.
