დღესდღეობით ადამიანები ვმუშაობთ, საკუთარ საქმეს ვაკეთებთ იმისთვის, რომ, ჩვენი უნარების ფონზე, სხვებს ყოველდღიურობა გავუმარტივოთ. ეს პროცსი შეუჩერებელია. ერთმანეთის საჭიროებიდან და არსებული რეალობიდან გამომდინარე, სამყარო მიისწრაფვის სიმარტივისკენ.
სულ ახლახან ამის შესაძლებლობა ჩვენ მოგვცა სააგენტომ “თარგმანი” – ის შესაძლებლობას იძლევა, მივიღოთ ჩვენთვის სასურველი ტექსტი ჩვენთვის სასურველ ენაზე – გამართულად და პროფესიონალურად.
“თარგმანის” თანადამფუძნებლები, ქეთევან ცაავა და ელენე სხირტლაძე “თბილისი თაიმსის” შეკითხვებს პასუხობენ.
რამდენი ხანია, რაც არსებობთ?
მთარგმნელობითი სააგენტო „თარგმანი“ 2020 წელს, კარანტინის დროს, შეიქმნა.
რა მიზნით დაარსდა „თარგმანი“?
ჩვენი მიზანი იყო, შეგვექმნა მთარგმნელობითი მომსახურების სააგენტო, რომელიც გააერთიანებდა პროფესიონალებს და მომხმარებელს მომსახურების მაღალ ხარისხს შესთავაზებდა. ჩვენი მომსახურების მიღება სახლიდან გაუსვლელადაა შესაძლებელი და სწორედ ეს ქმნის მომხმარებლისთვის დამატებით კომფორტს.
უფრო დეტალურად, რას გულისხმობს თქვენი მომსახურება?
ჩვენ მომხმარებელს მომსახურების სრულ პაკეტს ვთავაზობთ, რომლის მიღებაც სახლიდან გაუსვლელად შეუძლია – თარგმნა, რედაქტირება, კორექტირება, ნოტარიული დამოწმება და დამოწმებული დოკუმენტის ადგილზე მიტანის სერვისი. ვფიქრობთ, ჩვენი მომსახურება იმითაა განსაკუთრებული, რომ სანამ ნათარგმნი დოკუმენტი ადრესატთან გაიგზავნება, რამდენიმე ეტაპს გადის, მაგალითად – ტექსტის რედაქტირება და ფორმატირება. შედეგად, მომხმარებელს აღარ უწევს რაიმე სახის ცვლილებების შეტანა მიღებულ დოკუმენტში.
რამდენ ენაზეა ის ხელმისაწვდომი?
ჩვენ გვყავს პროფესიონალ მთარგმნელთა გუნდი და მომხმარებელს მთარგმნელობით მომსახურებას 25-ზე მეტ ენაზე ვთავაზობთ.
ბევრი დაინტერესდა თქვენი შეთავაზებით?
აქტიურად ვმუშაობთ იმაზე, რომ ჩვენს მომხმარებლებს საინტერესო სიახლეები შევთავაზოთ. მაგალითად, გვქონდა ექსკლუზიური შეთავაზება სოლო მომხმარებლებისთვის. ამჟამად სპეციალური შეთავაზება გვაქვს სტარტაპებისთვის და გულისხმობს იმას, რომ სტარტაპები ფასდაკლებით ისარგებლებენ ჩვენს მომსახურებაზე. თარგმანის მომხმარებლებისა და კორპორატიული პარტნიორების რიცხვი ყოველდღიურად იზრდება და გვიხარია, რომ ამის პირდაპირპროპორციულად იმატებს კმაყოფილი მომხმარებლების რაოდენობაც.
მასალა მოამზადა : მარიამ ტიელიძემ
