იტალიელი კაცი ცოლთან კამათის შემდეგ დასამშვიდებლად ქუჩაში გავიდა და 450 კილომეტრი ფეხით გაიარა. ამის შესახებ BBC წერს.
გამოცემის ინფორმაციით, მისი მოგზაურობა კომოში დაიწყო. 48 წლის კაცი ერთი კვირის განმავლობაში უმისამართოდ დადიოდა, საბოლოოდ ის პოლიციამ ფანოში, ადრიატიკის სანაპიროზე ლოკდაუნის დარღვევისთვის გააჩერა. მან სამართალდამცველებს უამბო, რომ დღეში საშუალოდ 60 კილომეტრს გადიოდა, უცნობი ადამიანები კი საჭმელს სთავაზობდნენ. მისივე თქმით, მას ტრანსპორტი არ გამოუყენებია. პოლიციამ მას შეზღუდვების დარღვევის გამო 400 ევროს ოდენობის ჯარიმა გამოუწერა
მათ დაადგინეს, რომ ცოლმა კაცის გაუჩინარების შესახებ პოლიციაში განაცხადა და მეუღლის პოვნის შესახებ შეატყობინეს.
Discussion about this post