მოზარდისა და ეკლესიის ურთიერთობა არის ის საკითხი, რომელიც ყველა ქრისტიანული ოჯახისთვის კრიტიკულად მნიშვნელოვანია.
დღესდღეობით, თანამედროვე ქრისტიანული ოჯახების ერთ-ერთ მთავარ პრობლემას მოზარდისა და ეკლესიის დაშორება წარმოადგენს. ყველა ოჯახს აქვს სურვილი თავისმა შვილმა იცხოვრობს ქრისტიანული წესით, ეკლესიასთან და სასულიერო პირებთან მჭიდროდ იყოს დაკავშირებული, თუმცა სურვილი ერთია და ამ სურვილის შესრულება მეორე.
ჩვენს საზოგადოებაში გამოიკვეთა ის მიზეზები, რომლის გამოც მოზარდები ძირითადად შორდებიან ეკლესიას.
ერთ-ერთი მთავარი მიზეზი გახლავთ ის, რომ მოზარდებს ეკლესია ეჩვენებათ იმ რელიგიურ ინსტიტუტად, რომელიც ძალიან ზღუდავს მათ ქცევებსა და „თავისუფლებას“. თანამედროვე ახალგაზრდებს აქვთ სურვილი-ჰქონდეს წვდომა მსოფლიოს იდეებსა და ხედვებზე, ასევე პოპკულტურაზე, თუმცა, მათი აზრით, ეკლესია იგნორირებას უკეთებს ახალ იდეებს და ზედმეტად არაშემწყნარებელია ფილმების, მუსიკებისა და ვიდეოთამაშების მიმართ.
ბევრი თანამედროვე მოზარდის აზრით, ეკლესიაში „მოწყენილობაა“. ნაწილის თქმით, ბიბლია სიღრმისეულად არ ისწავლება ან რწმენას არანაირი კავშირი არ აქვს მათ კარიერასა და ინტერესებთან, ამიტომაც უქრებათ მათ ინტერესი ეკლესიისადმი.
ჩვენს თანამედროვეობაში ახალგაზრდების გარკვეული ნაწილი ფიქრობს, რომ ეკლესია მტრულად არის განწყობილი მათ მიმართ, ვინც რაიმე სახის ეჭვს გამოთქვამს. ამიტომაც მათთვის ეკლესიას აზრი ეკარგება.. მოზარდები ასევე თვლიან, რომ მათ ცხოვრებისეულ კითხვებს ეკლესია ბანალურად პასუხობს..
კიდევ ერთი მიზეზი, რის გამოც მოზარდები ეკლესიას შორდებიან, გახლავთ ეკლესიისა და მეცნიერების ურთიერთობა. მათი აზრით, ქრისტიანობასა და მეცნიერებას შორის დაძაბული ვითარებაა.. გარდა ამისა, ეკლესია ფეხს ვერ უწყობს იმ თანამედროვეობას, რომელშიც ისინი ცხოვრობენ..
ჩვენ არ ვსაუბრობთ ზემოთ დასახელებული მიზეზების ჭეშმარიტებასა თუ სიცრუეზე, მიღებასა თუ უარყოფაზე.. ზემოთ მოყვანილია ის ძირითადი მიზეზები, რომელთა გამოც თანამედროვე მოზარდების დიდი ნაწილი ეკლესიას შორდება.
მასალა მოამზადა: თორნიკე ყრუაშვილმა.
