როგორც წესი, ახალი წლის მოახლოება ყოველთვის განწყობებსა და ემოციებთან არის დაკავშირებული. განწყობა განსაკუთრებით მიმდინარე წლის ბოლოს გვჭირდება, როცა ახალ, 2021 წელს დიდი იმედებით უნდა შევხვდეთ. ემოციების შესაქმნელად ფილმებს საკმაოდ დიდი როლი აქვს. რომელი ფილმები შეგვიქმნის საახალწლო ხასიათს? გთავაზობთ რამდენიმეს.
„მარტო სახლში“ – ყველასთვის კარგად ნაცნობი და გამორჩეულად საყვარელი. მოქმედება მოზარდი ქევინის ირგვლივ ვითარდება – შემთხვევით, მას უწევს, შობას მარტო შეხვდეს და, ამასთან, ბოროტმოქმედებს გაუმკლავდეს.
„ნიუ იორკის საშობაო ქორწილი” – ახალი წლის ჯადოსნური დღეები და, პლუს, მზადება ცხოვრების მნიშვნელოვანი გადაწყვეტილების ხორცშესასხმელად. რომანტიკოსებისთვის ის ჯადოსნური ფილმია.
„საშობაო ისტორია“ – ფილმი ახალი წლის ჯადოსნურობის, მისი მაგიურობისა და ძალის შესახებ, რასაც ადამიანის შეცვლა შეუძლია. ფილმი წარმოადგენს ჩარლზ დიკენსის ნაწარმოების ეკრანიზაციას.
„ცუდი სანტა“ – თაღლითის ისტორია, რომლის მიზანსაც დანაშაულის ჩადენა წარმოადგენს, ოღონდ – სანტას უნიფორმით. მისი პატარა მეგობარი მიზეზი ხდება, რომლის გამოც დამნაშავეს უჭირს, ცუდი საქმე გააკეთოს.
„სანტა გასაყიდად“ – ეკრანიზაცია მათთვის, ვისაც სანტა კლაუსის არსებობის არ სჯერა – ვნახოთ, საიდან მოდის ის ჩვენთან და რა გზის გავლა უწევს.
„სტოუნების ოჯახი“ – ისტორია იმისა, რომ როგორ ხვდებიან საერთო გარემოში განსხვავებული ხასიათის ადამიანები – თანაც, ეს ყველაფერი საახალწლოდ. ამბავი ძალიან საინტერესო და სახალისოა.
„ელფი“ – ამბავი პატარა ბიჭისა, რომელიც შემთხვევით ხდება საახალწლო სამზადისის მონაწილე. ელფების მსგავსად, სანტა კლაუსს ისიც უნდა დაეხმაროს. თუმცა, ბიჭი მათთან შედარებით საკმაოდ მაღალია.
მასალა მოამზადა : თამარ ტაბატაძემ
