საქართველოს კათოლიკოს-პატრიარქმა მოსახლეობას შობის დღესასწაული მიულოცა. ილია მეორემ სადღესასწაულო წირვის შემდეგ სამების საკათედრო ტაძარში შეკრებილებს მიმართა და დალოცა.
„ჩვენთან არს ღმერთი. გილოცავთ შობის დღესასწაულს. ღმერთმა დიდი მადლი გაგატანოთ ამ ტაძრიდან. დალოცვილი და გახარებული გამყოფოთ მამაზეციერმა თქვენ, საქართველო და მთელი მსოფლიო“, – განაცხადა პატრიარქმა.
სამების საკათედრო ტაძარში საშობაო ლიტურგია გაიმართა, რის გამოც 21:00 საათიდან დილის 05:00 საათამდე დაწესებული გადაადგილების შეზღუდვა გამონაკლისის სახით მოიხსნა. საზეიმო ღვთისმსახურება სრულიად საქართველოს კათოლიკოს-პატრიარქმა, ილია მეორემ ჩაატარა. როგორც ჟურნალისტებს არქიმანდრიტმა იოანე მჭედლიშვილმა განუცხადა, პატრიარქის საშობაო ეპისტოლე დღეს გამოქვეყნდება.
