ნებისმიერ ქვეყანას აქვს გამორჩეული, მისთვის დამახასიათებელი საშობაო და საახალწლო კერძი. ცხადია, თითოეულს განსაკუთრებული გემო სწორედაც რომ საკუთარ სამშობლოში აქვს. ეს კერძები საკუთარი ქვეყნის მახასიათებლებს ატარებს და ყოველი მათგანი მთელს მსოფლიოში განსაკუთრებულია.
საცივი რომ ქართული საახალწლო სუფრის განუყოფელი ნაწილი, ეს არამხოლოდ საქართველოში იციან. ცხადია, მისი მომზადება წელიწადის ნებისმიერ დროს არის შესაძლებელი. თუმცა, საახალწლოდ ამ კერძს გამორჩეული ხიბლი და გემო აქვს.
ცნობილია, რომ მექსიკელებს კერძებში სიცხარე ძალიან იზიდავთ. საშობაოდ ისინი ყოველთვის ამზადებენ პოზოლეს – მისი მომზადების მთავარი ინგრედიენტებია ხორცი და წიწაკა.
გერმანელებისთვის საახალწლო სუფრა წარმოუდგენელია ღორის კანჭის გარეშე. სწორედ მის მომზადებას სჭირდება განსაკუთრებული დრო, ენერგია და ყურადღება. ჩვეულებრივ, გერმანელები მას მჟავესთან ერთად მიირთმევენ.
ცხარე ქაშაყი სუფრაზე აუცილებელია, თუკი პოლონეთში იმყოფებით – სიცხარე ამ ქვეყანაშიც ძალიან უყვართ. ახალი წელი მის გარეშე წარმოუდგენელია.
სხვა ქვეყნებისგან განსხვავებით, ნიდერლანდებში ყველაზე მეტად კურდღლის ხორცის გემო მოსწონთ. როგორც წესი, ეს კერძი საახალწლოდ აქ ბოსტნეულთან ერთად არის წარმოდგენილი. გამომცხვარი კურდღელი ამ ქვეყანაში სუფრაზე ყოველთვის არის.
ყველამ კარგად იცის, რომ საახალწლოდ ამერიკელები ინდაურს განსაკუთრებული ენთუზიაზმით ამზადებენ. გამომცხვარი ინდაური სუფრაზე ყოველთვის ბოსტნეულთან ერთად არის მოთავსებული.
ესპანეთში საახალწლო სუფრა შემწვარ ცხვართანაა დაკავშირებული. მისი ხორცი ამ ქვეყანაში ძალიან უყვართ.
საშობაო პუდინგი ინგლისს მთელი მსოფლიოსგან გამოარჩევს. სწორედ აქ მზადდება სამყაროში საუკეთესო პუდინგი, რომელსაც მსოფლიო „საშობაოს” უწოდებს.
მასალა მოამზადა : მარიამ ტიელიძემ
Discussion about this post