თენგიზ ცერცვაძის თქმით, საქართველოში კორონავირუსის საწინააღმდეგო ორი ვაქცინის შემოტანა განიხილება. ერთ-ერთი მათგანი ბრიტანული AstraZeneca-ა, მეორე პრეპარატი კი ჩინურია. ამ შესახებ თბილისის ინფექციური საავადმყოფოს დირექტორმა „ფორმულასთან“ საუბარში განაცხდა.
„ლაპარაკია, ორი ვაქცინის შემოტანაზე ჩვენთან – AstraZeneca-სა და ერთ-ერთი ჩინურის. ჩინეთს აქვს 5 ვაქცინა და ერთერთზე არის ლაპარაკი. მინდა გითხრათ, რომ მსოფლიოში ჩინური ვაქცინის რეიტინგი საკმაოდ მაღალია. ჩინურ ვაქცინას მაღალი ნდობა აქვს. სხვა თუ არაფერი, იქ გაჩნდა ეს ინფექცია და მათ ყველაზე კარგად იციან ამ ვირუსის სტრუქტურა და მისი თავისებურებები და სულ არ გამიკვირდება, რომ ჩინურმა ვაქცინამ ყველას აჯობოს. იმიტომ რომ მათ ამისთვის ბევრი დრო ჰქონდათ, იმასაც ამბობენ, რომ წინასწარ იცოდნენ ამ ვირუსის არსებობა და დიდი ხანია ვაქცინაზე მუშაობენ, ასე რომ ჩინური ვაქცინა ხელწამოსაკრავი არ იქნება“, – ამბობს ცერცვაძე.
Discussion about this post