ჩვენს ქვეყანას უამრავი გამორჩეული ადამიანი ჰყოლია. დღესაც ასეა. ქართველების გმირობაზე, თავდადებასა და განსაკუთრებულობაზე მსოფლიო საუკუნეების წინაც საუბრობდა და ახლაც ამაყობს საქართველო საკუთარი შვილებით.
ქართველი ქალებიც გამორჩეულად პრინციპულები და ძლიერები ყოფილან. მათი რაოდენობა უსასრულოდ ბევრია. გთავაზობთ რამდენიმე მათგანს.
მარო მაყაშვილი – საქართველოს ისტორიაში შესული, როგორც საქართველოს ეროვნული გმირი, მოწყალების და; დაიღუპა საბჭოთა რუსეთის ჯარებთან ბრძოლაში თბილისის მისადგომებთან.
ლეილა აბაშიძე – ქართველი კინომსახიობი, რეჟისორი და სცენარისტი. ურიცხვია მის მიერ შესრულებული როლები ქართულ კინემატოგრაფიაშია.
ნინო რამიშვილი – ალეტის მსახიობი, ბალეტმაისტერი. თბილისის საპატიო მოქალაქე 1981. განსაკუთრებულად მნიშვნელოვანია, რომ მან და ილიკო სუხიშვილმა ჩამოაყალიბეს ახლანდელი ქართული ნაციონალური ბალეტის სახელმწიფო აკადემიური დასი.
ნანი ბრეგვაძე – ქართველი საესტრადო მომღერალი, საქართველოს სახალხო არტისტი. უამრავი ჯილდოს, პრემიისა და პრიზის მფლობელი.
ნონა გაფრინდაშვილი – ქართველი მოჭადრაკე, დიდოსტატი. მსოფლიოს არაერთგზის ჩემპიონი. ის დასახელებულია, როგორც საქართველოს XX საუკუნის საუკეთესო სპორტსმენი ქალი.
რუსუდან ფეტვიაშვილი – გამორჩეულად ნიჭიერი მხატვარი. აღსანიშნავია, რომ სამების საკათედრო ტაძრისთვის უწმინდესმა სწორედ მას ჩააბარა წმინდა ოთხთავის დიდი უნიკალური ხელნაწერი ეგზემპლარის ილუსტრირება.
მასალა მოამზადა : მარიამ ტიელიძემ
