საქართველო ახლა კოვიდპანდემოიდან გამომდინარე დაწესებული შეზღუდვების მოხსნა/შემსუბუქების ეტაპზეა. ვაქცინაციის დაგვიანების ფონზე, ამ მოცემულობას ზოგი აკრიტიკებს, უფრო მეტი კი ფაქტით მოხარულია. ჩვენს ქვეყანაშია უკვე აღდგენილია როგორც მუნიციპალური, ისე – საქალაქთაშორისო ტრანსპორტის მოძრაობა.
აღნიშნულ გადაწყვეტილებას „თბილისი თაიმსთან“ საქართველოს საავტომობილო ფედერაციის ვიცეპრეზიდენტი, მევლუდ მელაძე აფასებს.
როგორც მელაძე აღნიშნავს, ტრანსპორტის სრულად აკრძალვა, თავის დროზე, მართებული არ იყო და ამან პირიქით – ნაცვლად სიტუაციის განმუტვისა, გაცილებით სახიფათო გახადა ყოველდღიურობა. ტრანსპორტის მოძრაობის შეზღუდვას განაპირობა ის, რომ მოთხოვნადი გახდა ტაქსები – გარდა იმისა, რომ ბევრ ფინანსებთან იყო დაკავშირებული (რამაც კიდევ ცალკე პრობლემები განაპირობა), ავტომობილები იყო გადაჭედილი, რაც ვირუსის გავრცელების რეალურ საფრთხეებს ქმნიდა.
მევლუდ მელაძის თქმით, მის გარშემო ბევრმა ისეთმა ავტომობილმა განაახლა ფუნქციონირება, რომლებიც უკვე აღარც კი იყო ვარგისი ყოველდღიური მოხმარებისთვის.
როგორც მელაძე „თბილისი თაიმსთან“ საუბრისას განმარტავს, გაცილებით შედეგიანი იქნებოდა, თუკი გარკვეული პერიოდით აიკრძალებოდა მხოლოდ მეტროს მოძრაობა – სადაც გაცილებით რთულია დისტანციის დაცვა და მასის კონტროლი. საავტომობილო ფედერაციის ვიცეპრეზიდენტის განმარტებით, გარდა რეგულაციების მიღებისა, კიდევ უფრო მნიშვნელოვანია მისი აღსრულების მონიტორინგი – ანუ რამდენად ეფექტურად მუშაობს ესა თუ ის რეგულაცია და რა არის საჭირო, რომ შედეგი იყოს ეფექტური.
შეგახსენებთ, საკოორდინაციო საბჭოს გადაწყვეტილებით, საქალაქთაშორისო ტრანსპორტი 25 თებერვლიდან კვლავ ამოქმედა.
