აშშ-ის დაზვერვის სკანდალს კიდევ ერთი შეემატა. გაზეთი ვაშინგტონ პოსტის ინფორმაციით, ეროვნული უსაფრთხოების სამსახურმა Google-სა და Yahoo-ს მსგავსი კომპანიების საზღვარგარეთის ქვეყნებთან ციფრული კავშირის ხაზებში შეაღწია.
გაზეთმა მტკიცებულებად CIA-ს ყოფილი აგენტის ედვარდ სნოუდენის მიერ გამომზეურებული დოკუმენტები მოიყვანა და განაცხადა, რომ ამ ფორმით დაზვერვამ ასობით მილიონი მომხმარებლის მონაცემები მოიპოვა.
დოკუმენტების მიხედვით, რეგისტრირებული იქნა ელექტრონული ფოსტა ვინ ვის გაუგზავნა, შინაარსი წერილობითი, ხმოვანი ან გამოსახულებითი ფორმით იქნა ჩაწერილი.
2013 წლის 9 იანვრის ანგარიშის თანახმად, გაზეთი წერს, რომ ყოველდღიურად მილიონობით ინფორმაცია Google-დან ve Yahoo-დან იქნა ტრანსფერირებული.
მანამდე მედიით გავრცელებულ ინფორმაციებში ნათქვამია, იყო რომ ეროვნული უსაფრთხოების სამსახური სასამართლოს გადაწყვეტილებით ინტერნეტ კომპანიების ინფორმაციის მიწოდებას ავალდებულებდა, თუმცა ბოლო მეთოდით ინფორმაცია ისე იქნა მოპოვებული, რომ კომპანიის მფლობელებმა ამის თაობაზე არაფერი იცოდნენ.
ორგანიზაცია ამ ბოლო მეთოდის იურიდიულ საყრდენად 1981 წელს მიღებულ გადაწყვეტილებას ასახელებს.
გავრცელებული ინფორმაციის შემდეგ ეროვნული უსაფრთხოების სამსახურის თავმჯდომარემ ქეით ალექსანდერმა ინტერნეტ კომპანიების ბაზებში შეღწევის ფაქტი უარყო და დასძინა, რომ მეთოდები სასამართლოს ბრძანებით ხორციელდება და იგი ამერიკის მოქალაქეებზე გავლენას არ ახდენს.
კომპანია Google-ში გაკეთებულ განცხადებაში აღნიშნეს, რომ ამგვარ საქმიანობაზე არაფერი იციან, Yahoo-ში კი განაცხადეს, რომ დაზვერვის სამსახურებს საინფორმაციო ცენტრში შეღწევის უფლებამოსილება არ გააჩნიათ.
01.11.13
