საქართველოში კორონავირუსის ვაქცინის შემოტანის თარიღი ცნობილია. როგორც ჯანდაცვის მინისტრმა ეკატერინე ტიკარაძემ სამინისტროში გამართულ საგანგებო ბრიფინგზე განაცხადა, ვაქცინის პირველი დოზები ქვეყანაში დაგეგმილზე ერთი კვირით ადრე შემოვა.
„შაბათიდან საქართველოში ვაქცინების ეტაპობრივი მოწოდება დაიწყება“, – აღნიშნა მინისტრმა.
უწყების ხელმძღვანელმა გაწეული შრომისთვის ჯანდაცვის მსოფლიო ორგანიზაციას, კოვაქს-პლატფორმასა და UNICEF-ს მადლობა გადაუხადა. „სწორედ მათი დახმარებით გახდა შესაძლებელი ვაქცინის დაჩქარებული ტემპით შემოტანა“, – აღნიშნა ეკატერინე ტიკარაძემ.
