ჯანდაცვის მინისტრის, ეკატერინე ტიკარაძის განმარტებით, საქართველოში არსებობს სამი რეგიონი, რომელიც, შესაძლოა, „წითელ ზონად“ გამოცხადდეს. ამის შესახებ ჯანდაცვის მინისტრმა „იმედის დილაში“ საუბრისას განაცხადა.
„შეზღუდვებთან დაკავშირებით არსებობს გარკვეული მსჯელობა უკვე, ვინაიდან ჩვენ საქართველოში გვაქვს რამდენიმე რეგიონი, რომელიც, როგორც შუქნიშანზე ვაკვირდებით, უკვე წითლის მიმართულებით მიდის აქტიურად.
ეს არის ამ ეტაპზე იმერეთი, გურია და სხვათაშორის, თბილისიც, სადაც ყველაზე მეტია მობილობა. დადებითობის მაჩვენებელი არის 2.2, ასევე ინფექციის გავრცელების კოეფიციენტი 1-ს აღემატება, რაც, რა თქმა უნდა, მეტ სიფრთხილეს მოითხოვს. არ გამორიცხავთ შეზღუდვების დაწესებას“, – განაცხადა ტიკარაძემ.
