სამყარო უსასრულოა. ამ უსასრულობაში ადამიანები ვეძებთ ჩვენთვის საინტერესოს, გამორჩეულს. რაც უფრო განსაკუთრებულია ესა თუ ის გეოგრაფიული ობიექტი, მით უფრო დიდ ინტერესს იწვევს ის ადამიანებში.
მსოფლიოში ულევი გეოგრაფიული ობიექტია. თუმცა, თითოეულ შემთხვევაში არის ერთი რომელიმე, რომელიც სიმაღლით, სიღრმით თუ სიდიდიდ ბევრად აღემატება სხვებს და ამით ხდება გამორჩეული.
ასე, მაგალითად…
ნილოსი მსოფლიოში ყველაზე გრძელ მდინარედაა მიჩნეული. როგორც ცნობილია, ის წარმოიქმნება თეთრი ნილოსისა და ცისფერი ნილოსის შეერთების შედეგად. მისი სიგრძე კაგერას სათავიდან 6 853 კილომეტრია. ნილოსი ხმელთაშუა ზღვაში ჩაედინება.
ამასთან, უნდა აღინიშნოს მდინარე ამაზონის შესახებ – ის მსოფლიოში უდიდესია აუზითა და წყალუხვობით. წარმოიქმნება ორი მდინარის – მარანიონისა და უკაიალის შეერთების შედეგად.
მსოფლიოში ფართობით ყველაზე დიდი ტბა კასპიის ზღვაა. მისი სიგრძე 745 მილი, ფართობი 152239, ხოლო სიღრმე 3104 მეტრია. აღსანიშნავია, რომ კასპიის ზღვას კავშირი არ აქვს მსოფლიო ოკეანესთან. ასევე, მისგან არცერთი მდინარე გამოედინება.
ჩრდილოეთ აფრიკაში მდებარეობს მსოფლიოში ყველაზრ დიდი ქვიშიანი უდაბნო – საჰარა. მისი ფართობი 9 მლნ კმ²-ია. უდაბნოს უდიდესი ნაწილი უწყლოა და უსიცოცხლო. საჰარა 11 სახელმწიფოს მოიცავს.
ევერესტი – დედამიწის უმაღლესი მთა, მწვერვალი მდებარეობს ზღვის დონიდან 8,848 მეტრის სიმაღლეზე. ის მდებარეობს ჰიმალაიში, ნეპალისა და ჩინეთის საზღვარზე.
ანხელი მსოფლიოში ყველაზე მაღალი ჩანჩქერია. ის სამხრეთ ამერიკაში, კერძოდ, ვენესუელაში მდებარეობს. მისი ვარდნის სიმაღლე 979 მეტრია.
მასალა მოამზადა : მარიამ ტიელიძემ
