ჯანდაცვის მინისტრის, ეკატერინე ტიკარაძის განცხადებით, მიიღეს გადაწყვეტილება პოლიციისა და ჯარის ჩართულობით, კორონავირუსზე ვაქცინის გაკეთების სათადარიგო სიები შეიქმნას.
“ამ ეტაპისთვის დაკარგული არის დაკარგული 3% დოზა [ვაქცინის] ეს არის 181 დოზა, და შემდგომში რომ იყოს მინიმუმამდე დაყვანილი დანაკარგი, მივიღეთ გადაწყევტილება, რომ პოლიციისა და ჯარის ჩართულობით, მოხდეს იმ სათადარიგო სიების შექმნა, რომლებიც სავარაუდო დანაკარგის დოზების აცრაში მიიღებენ მონაწილეობას”, – თქვა ეკატერინე ტიკარაძემ.
მისი თქმით, ამ ადამიანების ვაქცინაციაში ჩართვა 5 აპრილიდან მოხდება.
