ჯანდაცვის მინისტრის მოადგილის, თამარ გაბუნიას განცხადებით, თუ ქვეყანაში ეპიდემიოლოგიური სურათი გაუარესდება, ადგილობრივ დონეზე შესაძლებელია გარკვეული შეზღუდვების შემოღებაზეც დაიწყება მსჯელობა, საუბარია მგზავრობის შეზღუდვაზე.
“ეპიდემიოლოგიური სურათიდან გამომდინარე, მოგვიწევს საუბარი რამდენად საჭიროა, ადგილობრივ დონეზე, ლოკალიზაციის მიზნით გარკვეული შეზღუდვების შემოღება. რომელიმე დასახლებულ პუნქტში, რომ მოხდეს ლოკალური შეზღუდვა, მობილობის შეზღუდვის სახით. მარტივად, რომ ვთქვა, მგზავრობის შეზღუდვაზე მაქვს საუბარი”, – ამბობს გაბუნია.
ჟურნალისტის შეკითხვის, იგეგმება თუ არა საქალაქთაშორისო ტრანსპორტის მოძრაობის აკრძალვა, პასუხად თამარ გაბუნიამ თქვა, რომ “თუ კვლავ გაუარესდა ეპიდემიოლოგიური სურათი, შესაძლოა, მოგვიხდეს ისევ დავუბრუნდეთ იმ მექანიზმებს, რომლებიც აქამდე იყო გამოყენებული”.
