„მოგეხსენებათ, საქართველოს პატრიარქის ლოცვა-კურთხევით, ანჩისხატის კარედი დაბრუნების პროექტის საინიციატივო ჯგუფმა და გერმანულმა კომპანია „Sehner”-მა , ანჩისხატის ტაძარში შუშის კიოტი დაამონტაჟეს-ბრონირებული მინით, ტემპერატურული რეჟიმითა და სხვა პირობებით.
ამ დიდი სიწმიდის დაბრუნებისთვის, გთხოვთ ამოვბეჭდოთ, ერთობის ლოცვით გავერთიანდეთ და ხშირად წავიკითხოთ, განსაკუთრებით კვირა დღეს.“ – ამ განცხადებას სოციალურ ქსელში, ფეისბუქ გვერდი „დაბრუნდებიან“ ავრცელებს.
განცხადებაში თან დართულია ერთობითი ლოცვა ანჩისხატის დაბრუნებისა და ერის კეთილდღეობისთვის.
მაცხოვრის ხელითუქმნელი ანჩისხატის ტროპარი: უხრწნელსა ხატსა შენსა თაყვანის-ვსცემთ, ქველისმოქმედ, და ვითხოვთ შენდობასა ცოდვათა ჩუენთასა, ქრისტე ღმერთო, განზრახვით სათნო იყავ აღსლვა ხორცითა ჯუარსა ზედა, რაჲთა იხსნნე, რომელნი შეჰქმნენ, მონებისაგან მტერისა, ვინაცა მადლობით გიღაღადებთ: სიხარულითა აღმავსენ ყოველნი, ვითარ მაცხოვარმან ჩუენმან, მოსრულმან ცხოვრებად ყოვლისა სოფლისა.
ივერიის ყოვლადწმიდა ღმრთისმშობლის ხატის ტროპარი: წმიდისაგან ხატისა შენისა, ჰოი დედუფალო ღმრთისმშობელო, სიმრთელენი და კურნებანი უხვად მოეცემიან ყოველთა სარწმუნოებით და სიყვარულით მისდა მოლტოლვილთა, ამისთვის ჩემსაცა უძლურებასა მოხედენ და შეიწყალე სული ჩემი, სახიერო, ხოლო ხორცით განმკურნე, მადლითა შენითა ყოვლადწმიდაო.
მასალა მოამზადა: თორნიკე ყრუაშვილმა.
