დიდი მარხვის 40 დღის შემდეგ იწყება ვნების კვირა, იგი განუყოფელი ნაწილია ქრისტეს ბრწყინვალე აღდგომისწინა მარხვისა. ვნების შვიდეული სწორედ ქრისტეს ამქვეყნიური მოღვაწეობის უკანასკნელ დღეებს აღნიშნავს. საღმრთო ისტორიით, ვნების შვიდეულს წინ უძღვის იესო ქრისტეს მეგობრის, მართალი ლაზარეს შაბათი.
ვნების შვიდეულს მაცხოვრის ჯვარცმა, დაფვლა და აღდგომა მოჰყვა. ამ დღეთა გახსენებით ყოველი ქრისტიანი სულიერად ბრუნდება იმ სამყაროში, სადაც უფაალი ჯერ კიდევ კაცობრიობის გვერდით იყო.
ვნების შვიდეულის მარხვა განსაკუთრებით მძიმეა. შაბათს დღეს, განსხვავებით წლის დანარჩენი შაბათებისა, აუცილებელია მკაცრი მარხვა შევინახოთ. მოციქულთა განწესებაში წერია: „უკეთუ ვინმე მოყვასთაგანი იპოოს მმარხველად კვირიაკესა, ანუ შაბათსა, თვინიერ ხოლო ერთისა მის, ( იგულისხმება ვნების კვირის შაბათი) განიკუეთენ, ერისკაცნი უზიარებელ იქმნან“
წყარო: www.karibche.ambebi.ge
მასალა მოამზადა:თორნიკე ყრუაშვილმა.
