„ვცდილობთ, კორონავირუსს თავი არ „დავაჩაგვრინოთ“ – „ბოლო ზარი“ დაირეკა

მეთორმეტეკლასელებისთვის „ბოლო ზარი“ დაირეკა. ისევე, როგორც შარშან, ამ მნიშვნელოვან მოვლენას კვლავ კოვიდპანდემია ახლდა თან. ცხადია, სკოლის თითოეული მოსწავლე ამ დღეს გამორჩეულად ელოდება – დიდი იმედებითა და სიახლეების წყურვილით. შეზღუდვებისა და რეგულაციების მიუხედავად, მეთორმეტეკლასელებმა შეძლეს, ეს განსაკუთრებული დღე მათთვის დასამახსოვრებელი ყოფილიყო.

„შარშანდელ მეთორმეტეკლასელებს რომ ვუყურებდი, ნამდვილად არ მეგონა, რომ მეც მათ ბედს გავიზიარებდი. ვგულისხმობ, რომ კიდევ იქნებოდა მსოფლიოში პანდემია. მე პირადადყოველთვის მაინტერესებდა, როგორი იქნებოდა ჩემი „ბოლო ზარი“. მეც და ჩემი კლასელებიც ვცდილობთ, შევინარჩუნოთ ხალისიანი განწყობა და, ასე თუ ისე, ეს დღე ჩვენს ცხოვრებაში გამორჩეული იყოს“, – ამბობს ანი სანიკიძე „თბილისი თაიმსთან“ საუბრისას.

„ვერ ვიტყვი, რომ რამე განსაკუთრებული მოლოდინები მქონდა ხოლმე „ბოლო ზართან“ დაკავშირებით. მაგრამ ეს შეზღუდვები მაინც უსიამოვნოა. ბოლომდე „ფრთებს ვერ ვშლით“. იმედია, მომავალ წელს მაინც „გაიხარებენ“ ბავშვები J წარმატებებს ვუსურვებ ყველა მეთორმეტეკლასელს“, – თქვა გიორგი მეგრელიშვილმა.

„ვცდილობთ, კორონავირუსს თავი არ „დავაჩაგვრინოთ“. ვიხსენებთ საერთო ისტორიებს, ვიცინით  ვხალისობთ… ვაკეთებთ მაქსიმუმს, რის საშუალებასაც არსებული რეალობა გვაძლევს და ასე ვაფერადებთ ჩვენს „ბოლო ზარს“. ვერ ვიტყვი, რომ ისეთი დღეა, როგორზეც ვოცნებობდით, მაგრამ ყველაფერს ვაკეთებთ, რომ ბევრი დასამახსოვრებელი მომენტი შევქმნათ. ყველას, ვინც ახლა ამთავრებს სკოლას, წარმატებებს ვისურვებ“, – ამბობს „თბილისი თაიმსთან“ ანა მჭედლიშვილი.

მეთორმეტეკლასელებს სკოლის დამთავრება  საქართველოს განათლებისა და მეცნიერებისმინისტრმა, მიხეილ ჩხენკელმა მიულოცა: არშემიძლია, არ აღვნიშნო, რომ თქვენ განსაკუთრებულიახალგაზრდები ხართ. მაშინ, როცა პანდემიამმკვეთრად შეცვალა ყველა ჩვენგანის ცხოვრება, თქვენგაუმკლავდით მოულოდნელ სირთულეებს დაწარმატებით დაასრულეთ სწავლა. ეს დიდიგამოცდილება აუცილებლად იქონიებს დადებითგავლენას თქვენს მომავალზე და, დარწმუნებული ვარ, ცხოვრების გზაზე გაჩენილ ყველა გამოწვევასშესაძლებლობად აქცევთ. მინდა, მუდამ გახსოვდეთ, რომ განათლება თქვენი მომავლის საძირკველი დასაზოგადოების სწორი მიმართულებით განვითარებისერთ–ერთი უმნიშვნელოვანესი წინაპირობაა. არდაივიწყოთ ეს, რადგან ხვალიდან თქვენ წინაშეუამრავი საინტერესო პერსპექტივა იხსნება, ცხოვრებაახალ შესაძლებლობებს შემოგთავაზებთ, წინ გელითახალი ურთიერთობები, მეგობრები დაპასუხისმგებლობები. მთელი გულით გისურვებთწარმატებებს ცხოვრების ამ ახალ ეტაპზე.
დარწმუნებული ვარ, ცოდნის შეძენისა და მისიგაღრმავების სურვილი არასოდეს გაგინელდებათ“, – ნათქვამია მინისტრის მილოცვაში.

მასალა მოამზადა : მარიამ ტიელიძემ