ხელნაკეთი სუვენირები, რომლებზეც ახლა გესაუბრებით, კახეთში – კერძოდ, თელავში იქმნება. ეზოს კეთილმოწყობისთვის, იდილიისა და სასიამოვნო გარემოსთვის ნაკეთობები ცემენტისა და ქვიშისგან მზადდება. ნებისმიერს, ვისაც დიდი ეზო აქვს, შეუძლებელია, არ ჰქონდეს სურვილი, საკუთარ საცხოვრებელს მსგავსი ნივთები ამშვენებდეს.
შორენა მარტიაშვილი დეტალებზე „თბილისი თაიმსს“ ესაუბრა.
„ვამზადებ ეზოს დეკორაციებს, ქოთნებს ,დამზადებული მაქვს სოკოები, ფარშევანგები, ფლამინგოები, ზღარბები და კიდევ უამრავი რამ. რასაც მომხმარებელი მოისურვებს, თითმის ყველაფრის დამზადება შემიძლია.
ნამუშევრებს ვამზადებ ცემენტისა და ქვიშისაგან, ასევე, ვაყოლებ რკინას , როდესაც ამის საჭიროებაა“, – აღნიშნავს ის.
როგორც შორენა განმარტავს, საკუთარ ნამუშევრებში ყალიბებს არ იყენებს.
„ჩემი ნაკეთობები არის ხარისხიანი, სუფთად ნამუშევარი, გამძლე. ამასთან, არ ვიყენებ ხელნაკეთ ყალიბებს.
დიზაინი იქმნება ჩემი იდეით, ძირითადად. ასევე, მომხმარებლის მიერ მოწოდებულ იდეასაც სიამოვნებით მივყვები“, – ამბობს შორენა მარტიაშვილი „თბილისი თაიმსთან“ საუბრისას.
მასალა მოამზადა : მარიამ ტიელიძემ
