“ფემი ჯორჯია” – რას სთავაზობს ის ქალბატონებს? შეიძლება ითქვას, ყველაფერს, რაც მას სილამაზისა და თავდაჯერებულობისთვის სჭირდება. მათ შორის, ისეთ აქსესუარს, როგორიცაა სამკაულები,აბადოკები, დიადემები, საქორწილო აქსესუარები, ბროშიანი ბაფთები. ასევე, კლასიკური ქუდები და ბეისბოლის კეპები ნაქარგებითა და ბროშებით, ქალის ლუქები: კორსეტები, პიჯაკები, შარვლები, საქორწილო კაბები.
დეტალებზე “თბილისი თაიმსს” ნინო გოგობერიძე ესაუბრა.
რა წარმოადგენს თქვენი კომპანიის მიზანს?
ჩვენი მიზანია, მივიტანოთ განსაკუთრებული ემოცია და განწყობა თითოეულ ქალბატონამდე. ასევე, მათ შეახსენონ საკუთარ, რომ ისინი დაბადებულები არიან ბრწყინვალებისა და წარმატებისთვის.
მადლობას გადავუხდით მათ იმ განსაკუთრებული დამოკიდებულებისთვის, რაც ჩვენ მიმართ აქვთ.
რით განსხვავდება თქვენი პროდუქცია სხვებისგან?
ჩვენს კოლექციაში არის მოდელები, რომლებსაც ანალოგი არ გააჩნია. ჩვენი პროდუქცია იქმნება განსხვავებული ტექნიკით, რომელიც სძენს გამძლეობას აქსესუარებს, ყველა დეტალი მოწმდება სათითაოდ და იტესტება. დამზადების პროცესში დიზაინერთან ერთად ხშირად ჩართულია ჩვენი მომხმარებელიც და მისი შეხედულება მაქსიმალურად გათვალისწინებულია.
სიახლეების დამატებას თუ გეგმავთ?
საშემოდგომოდ ჩვენს კოლექციას დაემატება ბევრი ისეთი აქსესუარი, რომელიც ქართულ ბაზარზე ჯერ არ ყოფილა და, რაც მთავარია, ეს იქნება საკმაოდ ხელმისაწვდომ ფასად.
თქვენი აქსესუარები ქვეყნის ფარგლებს გარეთ თუ გასულა?
ჩვენი აქსესუარები ხშირად გადის საბერძნეთში,იტალიაში, ინგლისში და ვემზადებით ამერიკული ბაზრისთვისაც.
მასალა მოამზადა : მარიამ ტიელიძემ
