„ერთიანი ნაციონალური მოძრაობისა“ და გაერთიანებული ოპოზიციის „ძალა ერთობაშიას,, წევრებმა საქართველოს პარლამენტის თავმჯდომარეს, კახა კუჭავას გაუგზავნეს სია, რომელიც კომიტეტების მოადგილეების თანამდებობებზე საკუთარ კანდიდატებს ეხება.
აღნიშნული საკითხი „თბილისი თაიმსთან“ საუბრისას ანალიტიკოსმა, ზაალ ანჯაფარიძემ შეაფასა.
„ნაციონალური მოძრაობის“ წარმომადგენლებს, მიუხედავად იმისა, რომ აცხადებენ, თანამდებობები არ გვინდაო, როგორც ჩანს, მაინც სურთ ამ თანამდებობების მოპოვება. სიმართლე გითხრათ, ვერაფერი გავიგე ამ მიმართვის გაგზავნასთან დაკავშირებით – გამოვიდა მათი ერთერთი წარმომადგენელი და თქვა, რომ ისინი არც შარლ მიშელის დოკუმენტს მოაწერენ ხელს და არც პარლამენტში სურთ თანამდებობები.
აქედან გამომდინარე, გაურკვეველია მათი პოზიცია, საბოლოოდ, რა უნდათ. შეფასებებსაც არ ექვემდებარება მათი წინააღმდეგობრივი მოქმედებები“, – განაცხადა ზაალ ანჯაფარიძემ „თბილისი თაიმსთან“ საუბრისას.
მასალა მოამზადა : მარიამ ტიელიძემ
