საქართველოში წმ. ქეთევან წამებულის წმინდა ნაწილებს ჩამოაბრძანებენ. ამის შესახებ ინფორმაციას საპატრიარქოს საზოგადოებასთან ურთიერთობის სამსახური ავრცელებს.
„პარასკევს, 2021 წლის 9 ივლისს, საქართველოში წმინდა ქეთევან წამებულის წმინდა ნაწილებს ჩამოაბრძანებენ. სიწმინდე ინდოეთის მთავრობამ საჩუქრად გადასცა საქართველოს.
შაბათს, 10 ივლისს, 14 საათზე დედოფლის წმინდა ნაწილებს ყოვლადწმინდა სამების საპატრიარქო ტაძარში მიაბრძანებენ.“- ნათქვამია განცხადებაში.
მასალა მოამზადა: თორნიკე ყრუაშვილმა
