უკრაინაში მყოფი, რუსეთის მიერ 2019 წლიდან ძებნილი ე.წ. კანონიერი ქურდი, კრიმინალურ სამყაროში ავთო კოპალას მეტსახელით ცნობილი (ავთო კობეშავიძე) უკრაინელმა სამართალდამცავებმა დააკავეს, საქართველოში მისი დეპორტაცია განიზრახეს და ბორისპოლ-ბათუმის 10 ივლისის 07:30 საათის რეისის შესასრულებლად გამზადებულ “იანეარის” კომპანიის თვითმფრინავში ყველა სხვა მგზავრზე ადრე ჩასვეს.
თვითმფრინავში შესვლისთანავე ავთო კოპალამ პასპორტი შეჭამა და სანამ სამართალდამცავები არკვევდნენ როგორ მოქცეულიყვნენ, 100-ზე მეტი სხვა მგზავრი, მათ შორის უკრაინული დელეგაციის წევრები და მათთან ერთად მყოფი ბავშვები, მოსაცდელ დარბაზში მიზეზის ახსნა-განმარტების გარეშე, საჭმელ-სასმელით და წყლით არაუზრუნველყოფილები ჰყავდათ.
