ჯანდაცვის მინისტრის მოადგილის, თამარ გაბუნიას განცხადებით, პირველად ხდება მთელი პანდემიის ისტორიაში, როდესაც ბავშვების საწოლების დამატება უწევთ.
„დაემატა დამატებით საბავშვო კლინიკები, რადგან უკვე ადგილი აღარ იყო. პირველად ხდება მთელი პანდემიის ისტორიაში, როდესაც ბავშვების საწოლების დამატება გვიწევს,” – განაცხადა თამარ გაბუნიამ.
ცნობისთვის, წინა პერიოდთან შედარებით ბევრია ინფიცირებული ბავშვი. „დელტა” შტამი სწორედ მცირეწლოვნებისთვისარის საშიში. ყოველდღიურად ინფიცირებული პაციენტების 10% არასრულწლოვანია.
