სამყაროში ძალიან ბევრი ადამიანია, რომლისთვისაც ტკბილეული უზომოდ მნიშვნელოვანია. ამ ადამიანებისთვის გემრიელი ტკბილეული ქმნის განწყობას, მუხტავს მათ ენერგიით. ისინი, უბრალოდ უზომოდ დიდ სიამოვნებას იღებენ. განსაკუთრებით სასიამოვნოა მათთვის, როდესაც ხარისხიანი, გემოვნებიანი და ძალიან გემრიელი ნუგბარი ერთად, ერთ ყუთშია თავმოყრილი.
“ნირვანა” სწორედ ასეთ, ტკბილეულის მოყვარულთათვის ჯადოსნურ შეფუთვებს ქმნის. დეტალურად, რას სთავაზობს ის მომხმარებლებს – “თბილისი თიმსს” კესო ფარულავა ესაუბრა:
რამდენი ხანია, რაც “ნირვანა” არსებობს და რატომ სახელად „ნირვანა“?
„ნირვანა”-ზე მუშაობა დავიწყეთ სამი თვეა, ერთ-ერთ სამეგობრო შეკრებაზე, ჩვენი ტკბილეულის დაგემოვნების პროცესში, მეგობარმა უცებ თქვა: „თქვენი ტკბილეულის დაგემოვნებისას ყოველთვის ნირვანაში ვვარდებიო“. ამიტომ, სახელზე დიდხანს არ გვიფიქრია, რადგან სიამოვნების უკიდურესი წერტილი სწორედ ნირვანაზე გადის.
რა მიზეზით გაჩნდა მისი დაარსების იდეა?
წლებია, ამ სფეროში ვმოღვაწეობ, ყოველთვის მინდოდა ჩემი ტკბუილეულის ხაზის შექმნა, მაგრამ არა – კონკრეტულად საკონდიტრო შოურუმის, ამიტომ, ერთ-ერთი მსჯელობისას შემოქმედებითმა ჯგუფმა გადავწყვიტეთ, რამე განსაკუთრებული და გამორჩეული შეგვეტანა ბაზარზე, რომლის ხარისხიდა გემო კონკურენტუნარიანი იქნებოდა.
რას მოიცავს ყუთი, რომელსაც თქვენ ამზადებთ?
„ნირვანას“ ყუთში წარმოდგენილია ყველაზე მოთხოვნადი და ყველასთვის საყვარელი დესერტების ნაირსახეობა სხვადასხვა სოუსით, რომელიც დააკმაყოფილებს სხვადასხვა სახეობის ტკბილეულის მოყვარულ ადამიანს – სწორად ამით გამოირჩევა ჩვენი ყუთი.
უმთავრესად, ვინ სარგებლობს თქვენი მომსახურებით?
ჩვენი პროდუქტით, უმეტესწილად, სარგებლობენ ტკბილეულის მოყვარული, გამორჩეული გემოვნების ადამიანები. ბოლო პერიოდია, განსაკუთრებით გამოირჩევიან შეყვარებული წყვილები, რომლებიც ერთმანეთს უგზავნიან ჩვენს ტკბილეულს.
ზოგადად, რით განსხვავდება თქვენი პროდუქცია სხვათანგან?
ბაზარზე განსხვავება თვალსაჩინოა – ყუთში შეგხვდებათ როგორც შოკოლადის, ასევე, ხილის დესერტები, რომელთა შექმნაშიც ხარისხი, გემო, ვიზუალი, განწყობა და, რაც მთავარია, დიდი სიყვარულია ჩადებული.
მასალა მოამზადა : მარიამ ტიელიძემ
