იდეალური სივრცე მათთვის, ვისთვისაც ცხოველებთან ურთიერთობა ძალიან ბევრს ნიშნავს -„გეთფეთ“-ი.
აქ ერთდროულად რამდენიმე სერვისია ხელმისაწვდომი – დაწყებული ცხოველების გაყიდვით, დამთავრებული მათი გაჩუქებით. დეტალებზე „თბილისი თაიმსს“ „გეთფეთ“-ის წარმომადგენელი ესაუბრა.
რამდენი ხანია, რაც Getpet-ი არსებობს?
„გეთფეთ“-ის შექმნის იდეა, დაახლოებით, 2 წლის წინ გაჩნდა. ამ იდეის ჩამოყალიბების, დახვეწისა და ჩაშვების შემდეგ 1 წელი უკვე გავიდა. უფრო კონკრეტულად კი, Getpet-ი 1 წლისა და 2 თვისაა.
ზოგადად, რას გულისხმობს თქვენი საქმიანობა?
Getpet.ge არის პირველი და ერთადერთი საიტი საქართველოში, რომელიც საშუალებას აძლევს მომხმარებელს, ერთ სივრცეში იხილოს საქართველოში გასაყიდი, გასაჩუქებელი, დასართავი/შესაჯვარებელი, დაკარგული და ნაპოვნი შინაური ცხოველები
ასევე, საიტზე იხილავთ დარეგისტრირებულ ვეტ-კლინიკებსა და ვეტერინარებს, კინოლოგებს, ცხოველის მომვლელებს, ვეტ-აფთიაქებსა და გრუმინგ სალონებს, რომლებიც მზად არიან,გემსახურონ თქვენ და თქვენს მეგობრებს
Getpet.ge აკავშირებს უამრავ მომხმარებელს და მისი საშუალებით ბევრად უფრო მარტივი და კომფორტული ხდება სასურველი შინაური ცხოველის შეძენა და ერთმანეთთან კომუნიკაცია. პლატფორმა ასევე ხელს უწყობს ბიზნესის განვითარებას ვეტერინარიის სფეროში – დარეგისტრირებულ პირს საშუალება აქვს საკუთარი საქმიანობისა და ბიზნეს აქტივობის რეკლამირების.
რა მიზანზე ხართ ორიენტირებული?
ჩვენი მთავარი მიზანია, მომხმარებელს გავუმარტივოთ ცხოველებთან დაკავშირებული ყველანაირი მონაცემის მოპოვება და ვაძლევთ შანსს სანდო ინფორმაცია მოიპოვოს ერთ კონკრეტულ ონლაინ პლატფორმაზე. იქნება ეს ვეტერინარული კლინიკა, ცხოველის სასტუმრო თუ ცხოველის ჩუქება, ყიდვა და ა.შ.
ასევე, ჩვენთვის, როგორც ცხოველებზე უზომოდ შეყვარებულთათვის, ძალიან მნიშვნელოვანია, ცხოველებს ვაპოვნინოთ სამუადამო სახლი. უმრავლესობა განცხადებების მართლაც რომ გაჩუქებაზე შეგხვდებათ „გეთფეთ“-ზე.
მოგეხსენებათ, იდეის ავტორი და დამფუძნებელი პროფესიით ვეტერინარია – შესაბამისად, „გეთფეთ“-ი მუდმივად ცდილობს ვეტერინარიის სფეროს განვითარებას, ეხმარება სავეტერინარო ბიზნესებსათუ კერძო პირებს საკუთარი საქმიანობის გაპიარებაში – სრულიად უფასოდ!
ბევრი ინტერესდება თქვენი მომსახურებით?
დაინტერესება იმაზე დიდი აღმოჩნდა, ვიდრე ამას ველოდით! პირველივე დღეებიდან დაიწყო მომხმარებელმა დარეგისტრირება, ცხოველების ყიდვა-გაყიდვა, გაჩუქება. დარეგისტრირდნენკომპანიები, კერძო პირები და სხვა. ასევე, დიდი ინტერესი მოჰყვა ჟურნალისტებისგანაც, ჩვენზე უკვე რამდენიმე სიუჟეტი და სტატია არსებობს, რითაც ძალიან ვამაყობთ!
