მაცხოვრის ფერისცვალების დღესასწაული თორმეტი უდიდესი ქრისტიანული დღესასწაულიდან ერთ-ერთია, რომელიც ახალი სტილით 6 აგვისტოს აღინიშნება. იგი უკავშირდება იესო ქრისტეს ამქვეყნიური ცხოვრების ერთ-ერთ მნიშვნელოვან და ცნობილ ეპიზოდს, ფერისცვალების შესახებ მოგვითხრობენ მახარებლები მათე, მარკოზი და ლუკა.
ახალი აღთქმის მიხედვით, იესო ქრისტემ გამოარჩია პეტრე, იაკობი და იოანე და მათთან ერთად თაბორის მთაზე ავიდა სალოცავად, სანამ იგი ლოცულობდა, დაღლილ მოწაფეებს ჩაეძინათ. გაღვიძებისას ნახეს, რომ იესომ ფერი იცვალა: „და იცუალა მათ წინაშე სხუად ფერად და განბრწყინდა პირი მისი ვითარცა მზე, ხოლო სამოსელი მისი იქმნა სპეტაკ ვითარცა ნათელი“(მათე, XVII, 2)
ამ დროს მაცხოვრის გვერდით ზეციური დიდებითშემოსილი მოსე და ელია წინასწარმეტყველი იდგნენ, რომლებიც მაცხოვართან იმ ვნებისა და ტანჯვისშესახებ საუბრობდნენ, რომლებიც მას იერუსალიმში მოელოდა. ამის მნახველი მოწაფეებიგამოუთქმელმა ნეტარებამ მოიცვა დაგაოგნებულმა პეტრემ უნებლიეთ წამოიძახა: „მოძღუარ კეთილ არს ჩუენდა აქა ყოფა. დავქმნეთ აქა სამ ტალავარ: ერთი შენდა, ერთიმოსესა და ერთი ელიაისა“ (ლუკა IX, 33). ამსიტყვების თქმის შემდეგ ნათელი ღრუბელი დაადგამათ, ხოლო ღრუბლიდან მოისმა ხმა ღვთისა: „ესეარს ძე ჩემი საყუარელი, რომელი მე სათნოვიყავ. მაგისი ისმინეთ“ (მათე XVII, 5). შეშინებულიმოწაფეები პირქვე დაემხვნენ, მათთან იესო მივიდა, ხელი შეახო და უთხრა: „აღდეგით და ნუ გეშინინ“ (მათე XVII, 7). როდესაც მათ მიმოიხედეს, მოსე და ელია აღარსად იყვნენ.
მასალა მოამზადა: თორნიკე ყრუაშვილმა
