სულ ცოტახნის წინ, ახალგაზრდა შეფ-მზარეულთა ასოციაციის ორგანიზებით, ყაზბეგში გასტრო ტური მოეწყო. ეს იყო პირველი მასტერკლასი, რომლის ფარგლებშიც ქართული, მთის სახასიათო კერძები მომზადდა. აღნიშნულის შესახებ დეტალურად „თბილისი თაიმსს“ შეფ მირიან სულაკაური ესაუბრა.
„ჩამოყალიბდა ახალგაზრდა შეფ-მზარეულთა ასოციაცია. მას ჰყავს პრეზიდენტი, ვიცეპრეზიდენტი და რამდენიმე წევრი. ამ ასოციაციას აქვს მიზანი, რომ ახალგაზრდა, ქართველი შეფ-მზარეულები განავითაროს და დაეხმაროს მათ. პირველი, საჩვენებელი გასტრო ტური იყო ყაზბეგში, ერთერთ სასტუმროში. მე აქ ვიყავი, როგორც მიწვეული შეფი, პრეზიდენტისა და ვიცეპრეზიდენტის მიწვევით. სრულად, აქ იმყოფებოდა ოცი ადამიანი.
ყაზბეგურ ტრადიციულ, სხვადასხვა სახეობის საჭმელებთან დაკავშირებით დავატრენინგეთ გუნდი. ვაჩვენეთ მათ, როგორ მზადდება კლასიკურად და ტრაფიციულად; ასევე, ცოტა გათანამედროვებული ვარიანტით, რათა სიახლე იყოს შეტანილი, რომ განვითარდეს ქართული გასტრონომია და უფრო საინტერესო ქართული კერძები შევთავაზოთ უცხოელ სტუმრებს“, – აღნიშნა მირიან სულაკაურმა.
ცნობისთვის, მეორე გასტროტური უკვე კახეთში შედგა. მასტერკლასები იგეგმება კიდევ რამდენიმე კუთხეში. საინტერესოა, რომ შეფ მირიანი იქნება ერთერთი ორგანიზატორი იმ გასტროტურებისა და ფესტივალების, რომლებიც ახალგაზრდა შეფ-მზარეულითა ასოციაციის ფარგლებში დაიგეგმება.
მასალა მოამზადა : მარიამ ტიელიძემ
