სურსათის ეროვნული სააგენტოს თბილისის სამმართველოს წარმომადგენლებმა რამდენიმე სუპერმარკეტსა და ხორცის საბითუმო სავაჭრო ობიექტში დარღვევები გამოავლინეს.
როგორც „თბილისი თაიმსს“ სააგენტოდან აცნობეს, კერძოდ, გურამიშვილის გამზირზე მდებარე შპს “გუდმარკიდან” და სანკტ-პეტერბურგის ქუჩაზე, შპს “ლუმარის” მარკეტ “ბა-ჯიდან” ამოღებულია ვადაგასული სურსათი – ჩიპსი, შოკოლადი, გაყინული ქათმის ბარკლები და ფრთები, სხვადასხვა წარმოების გაყინული ქათმის კუჭი, ფენოვანი ცომი, ძეხვის ბატონები, კარტოფილის პელმენი, ბისკვიტი და სხვადასხვა დასახელების ორცხობილა; შპს “ქართული პროდუქტის” ხორცის საბითუმო სავაჭრო ობიექტიდან (ვახუშტის ხიდის მიმდებარე ტერიტორია) ამოღებულია გაურკვეველი წარმომავლობის (დაუბეჭდავი, ანუ ფორმა #2-ის გარეშე) ხორცი.
აღნიშნული პროდუქტები დაილუქა და კანონმდებლობის შესაბამისად განადგურდება.
06.11.13