სასწაულმოქმედი ხატი, რომელიც „ძუძუსმაწოვებლის“ სახელითაა ცნობილი იმყოფება ათონზე, კარაი კელიასთან მდებარე ეკლესიაში და ხილანდარას მონასტერს ეკუთვნის, თავდაპირველად ის მდებარეობდა საბა განმწმენდელის ლავრაში, რომელიც იერუსალიმიდან 18 ვერსითაა დაშორებული.
ლავრის დამაარსებელმა თავის აღსასრულთან დაკავშირებით იწინასწარმეტყველა, რომ გარკვეული როის შემდგომ ლავრას სერბეთიდან მეფური შთამომავლობის თანამოსახელე ვინმე საბა ესტუმრებოდა და რომ ლავრა მას, ლოცვა-კურთხევის ნიშნად, „ძუძუსმაწოვებელი“ ღვთისმშობლის სასწაულმოქმედ ხატს მიუძღვნიდა.
ეს წინასწარმეტყველება მართლაც გამართლდა, ვინაიდან საბა სერბეს, რომელმაც მეცამეტე საუკუნეში მოინახულა პალესტინა, ეს ხატი საჩუქრად გადაეცა. აღსანიშნავია, რომ ჩვეულების წინააღმდეგ, ის წმ. საბამ კანკელზე აღსავლის კარის არა მარცხენა, არამედ მარჯვენა მხარეს მოათავსა, სადაც ჩვეულებრივ მაცხოვრის ხატია ხოლმე, ხოლო უფლის ხარი მარცხენა მხარესაა მოთავსებული.
მასალა მოამზადა: თორნიკე ყრუაშვილმა
