სამყაროში ყველა კერძს აქვს თავისი დასაბამი – საწყისი, სადაც ის წარმოიშვა და შემდეგ უკვე სხვადასხვა მიმართულებით გავრცელდა. თუმცა, ესა თუ ის დესერტი იმ ქვეყნის სავიზიტო ბარათად რჩება, რომელშიც ის პირველად დააგემოვნეს.
ვნახოთ, რომელ ქვეყანას რომელი ტკბილეული გამოარჩევს.
მაგალითად, ესპანელებისთვის გამორჩეულად საყვარელი დესერტია ნუშის ტორტი.
გერმანელებს რომ ჰკითხოთ, რომელი ტკბილეული უყვართ განსაკუთრებულად, დიდი ნაწილი გეტყვით, რომ ეს არის გერმანული საახალწლო ორცხობილები.
ფრანგული ნუშის მაკარონები – დღეს უკვე ნებისმიერი ქვეყნის წარმომადგენლისთვის საყვარელი ნუგბარი.
მიიჩნევა, რომ ბლომანჟე ინგლისელი არისტოკრატების საყვარელი დესერტია. მისი მომზადების არაერთი ვერსია არსებობს.
ჩიზქეიქი – ამერიკული სამზარეულოს განუყოფელი ნაწილი, რომელიც უკვე მთელი მსოფლიოს მოსახლეობას უყვარს.
იაპონელებისთვის ხომ სილამაზე და წესრიგი უმთავრესია – წყლის წვეთი, ასე ჰქვია ნამცხვარს, რომელიც საუცხოოდ გამოიყურება.
მასალა მოამზადა : მარიამ ტიელიძემ
