დედაქალაქში მოსული უხვი ნალექის გამო, წყლის ძლიერმა ნაკადმა ჭავჭავაძის გამზირზე, კერძოდ, ჭავჭავაძის #16-ში, #17-ში და # 34-ში დამონტაჟებული 5 ერთეული მიწისქვეშა ნაგავშემკრები კონტეინერის დამცავი რეზინები დააზიანა. ჰერმეტულობის დროებითმა დარღვევამ კონტეინერების კაფსულის წყლით ავსება გამოიწვია.
ამის შესახებ ინფორმაციას თბილისის მერია ავრცელებს.
უწყების ცნობით, შპს “თბილსერვის ჯგუფმა” ოპერატიულად უზრუნველყო კაფსულებიდან წყლის ამოტუმბვა და ამ ეტაპზე, ხუთივე მიწისქვეშა ნაგავშემკრები კონტეინერი გამართულად ფუნქციონირებს.
ჭავჭავაძის გამზირზე სულ 90 ერთეული “ჭკვიანი” ურნაა დამონტაჟებული.ჭავჭავაძის გამზირიჭკვიანი ურნა
