ანტიოქიისა და სრულიად აღმოსავლეთის ბერძნული მართლმადიდებლური საპატრიარქოს გვერდის მეშვეობით, ანტიოქიის მედიაცენტრმა გამოაქვეყნა წერილი, რომლითაც მშობლებს აფრთხილებს, მოზარდები მოარიდონ ძალადობრივი შინაარსის თანამედროვე სერიალებსა და თამაშებს, რადგან ისინი უარყოფითად მოქმედებენ ბავშვებზე და მათ რეალობის აღქმას აკარგვინებენ.
,,ახალი ფილმები და თამაშები აზიანებენ ბავშვებს და ისინი ძალადობის, მკვლელობისა და მიუღებელი კადრების ვირტუალურ სამყაროში შეჰყავთ.
ასეთი ფილმები, სერიალები და მოთხრობები ამახინჯებენ მოზარდის სამყაროს და ერთგვარი სატყუარაა ამ ფილმების პროდიუსერების მხრიდან. ისინი არამარტო მატერიალურ შემოსავალს იღებენ, არამედ მათი ,,შემოქმედებით” მახინჯდება სიწმინდისკენ მოწოდებული ადამიანურობის წარმოდგენა ბავშვებში.
გასაკვირი არ არის, რომ აღნიშნული მაღალ ხარისხიანი, სპეცეფექტებით გაჯერებული მასალა იქმნება და მონტაჟდება ისეთი მსხვილი საერთაშორისო კომპანიების მიერ, როგორებიცაა: Netflix, Warner brothers, Walt Disney და სხვ. ამ კომპანიებმა დიდი ხანია, დაიპყრეს ჩვენი ოჯახები, ახალგაზრდა ქალები და მამაკაცები, მოზარდები
Netflix-ი გვთავაზობს უამრავ ფილმს, რომელთაც მუდმივად ვეწინააღმდეგებით და ჩვენთვის მიუღებელია. მათ შორისაა –
,,კალმარის თამაშები”, ,წრე”, ,,პლატფორმა”, ,,ტაუ”, ,,წითელი მაშუქები”, ,,დონე 16″, ,,სიმართლე და გამბედაობა” და ,,ოთახი, რომლიდანაც ვერ გაიქცევი”.
აღნიშნული ფილმები ბავშვებს ძალადობისა და მკვლელობისკენაც კი უბიძგებენ. ასევეა ილუსტრირებული სერიები ,,სუპერმენის” ბისექსუალი ვაჟის შესახებ, რომელმაც ეთერში გასვლისთანავე მოიპოვა პოპულარობა და ყველამ კარგად ვიცით ,,სუპერმენის”, როგორც სამართლიანი გმირის, გავლენა ჩვენს ბავშვებზე.
დაბოლოს, გვახსოვდეს, რომ მზაობა, თანმიმდევრულობა, დიალოგი, ლოცვა, ცხოვრება წმინდა წერილის მიხედვით, ოჯახში სულიერი ცხოვრების შენარჩუნება – უპირველესი მოთხოვნილებებია სიწმინდის დასაცავად მოწოდებული ადამიანისთვის.
მოდით, უფლისა მიმართ ვილოცოთ!” – ნათქვამია ანტიოქიის საპატრიარქოს მოწოდებაში.
მასალა მომზადებულია : საპატრიარქოს უწყებანის მთარგმნელი და სარედაქციო ჯგუფის მიერ.
