ამ მასალაში საოცარი კომპოზიციების შესახებ გიამბობთ. შეუძლებელია, თუნდაც ერთი მათგანი ნახოთ და, უბრალოდ, თვალს ვერ მოწყვეტთ. რეალურთან მაქსიმალურად მიახლოებული, დეტალებში გადმოტანილი მინიატურები იმ ეფექტებით, რაც მათთვის არსებითია – ასეთ ნამუშევრებს ქმნის მერი ჭიჭიაშვილი–სიყმაშვილი.
როგორც ის “თბილისი თაიმსს” უყვება, ცდილობს, რეალური ნივთები პატარა ანალოგებად აქციოს.
ძირითადად ვმუშაობ მინიატურულ ნაკეთობაზე, ჩემი მიზანია, რეალური ნივთები ვაქციო პატარა ნივთებად, ეს იქნება მაგიდა, სკამი, ხილბოსტნეული თუ კერძები. თემატურად მაქვს ასევე თოჯინები.
ვცდილობ, ნამუშევრის ვიზუალი დავამსგავსო რეალურს, როგორიც შეიძლება, იყოს კონკრეტული თემიდან გამომდინარე, მაგალითად, ჭუჭყიანი, დამწვარი და ემალატეხილი ქვაბი, ნესტიანი კედლები თუ გამურული ღუმელი.
არასდროს სურვილი არ გამჩენია, გამეკეთებინა მოკრიალებული მინიატურული სახლი, ან “პრინცესა” თოჯინები.. მიყვარს სიძველე, ის დანაოჭებული სახე, საიდანაც თუნდაც თიხის თოჯინიდან შეიძლება, ამოიკითხო ყველაფერი.
როგორც მერი ამბობს, მიერ მიერ შექმნილი, რამდენიმე მინიატურული სცენა რეალური ისტორიის ანარეკლია, თუმცა, ბევრს საკუთარი ფანტაზიის შესაბამისად ამზადებს.
რას იყენებთ მასალად, როდესაც კომპოზიციებს ქმნით?
მასალად ვიყენებ თითქმის ყველაფერს, რაც ეფექტის მიღებაში დამეხმარება… თუმცა, ზოგ მასალასთან მუშაობაში საჭიროა შესაბამისი მოწყობილობები, რაც არ მაქვს. ამიტომ, ხშირად ვცდილობ, რაიმე ალტერნატივა გამოვნახო და სასურველი ფორმა თუ ეფექტი მივაღებინო.
მასალა მოამზადა : მარიამ ტიელიძემ
