ყოვლაწმინდა ღვთისმშობლის ხატი „გამომხსნელი“ მე-17 საუკუნით თარიღდება. გადმოცემის თანახმად, ამ ხატს XVIII-XIX საუკუნეებში მალავდა ათონელი მოსაგრე კონსტანტინე თეოდულოსი, რომელმაც სიკვდილის შემდეგ მემკვიდრეობით დაუტოვა ბერძენ მერდიდ მარტინიანეს, რომელიც ათონზე 1821 წელს დასახლდა.
1841 წელს მარტინიანემ ამ ხატის წინაშე ლოცვის შემდეგ სოფელი მავრონია გამოიხსნა კალიების შემოსევისგან. განიკურნა მომაკვდავი ყრმაც. დაახლოებით ორი წლის განმავლობაში ამ ხატის ძალით სოფელში არაერთი სნეული განიკურნა და სხვადასხვა სასწაულები მოხდა. ყველა განიკურნა, ვინც ღვთისმშობელს რწმენით მიმართა.
ათონში, მშობლიურ მონასტერში დაბრუნებული მარტინიანე 1884 წელს გარდაიცვალა, ხოლო ხატი მონასტერს დაუტოვა. წლების განმავლობაში ხატმა არაერთი მომლოცველი მოიზიდა, ხალხიც უამრავი სასწაულის მომსწრე ხდებოდა. დღესდღეობით ღვთისმშობლის ეს სასწაულმოქმედი ხატი ახალი ათონის მონასტერშია დაბრძანებული.
მასალა მოამზადა: თორნიკე ყრუაშვილმა
