ნოდარ ქუმარიტაშვილი 33 წლის გახდებოდა. სპორტსმენის ტრაგიკული გარდაცვალებიდან უკვე 11 წელზე მეტია გასული. ეს შემთხვევა ეროვნულ ტრაგედიად გამოცხადდა. ამბავმა კი თანაბარი კვალი დაამჩნია ყველას გონებას, განურჩევლად ასაკისა. ეს სახელი და გვარი მათაც ძალიან კარგად ახსოვთ, ვინც მაშინ ბავშვი იყო.
ნოდარ ქუმარიტაშვილი ბაკურიანში დაიბადა. საყვარელი საქმიანობაც სწორედ დაბადების ადგილს დაუკავშირა. მოციგავე, საქართველოს ოლიმპიური ნაკრების წევრი ზამთრის ოლიმპიურ სახეობებში – ეს იყო ის მიმართულება, რომელშიც მან არაერთ წარმატებას მიაღწია, თუმცა, საბოლოოდ, ტრაგედიით დასრულდა.
მოციგავე პროფესიას კანადაში ემსხვერპლა. ოლიმპიური თამაშების გახსნამდე რამდენიმე სათით ადრე, როდესაც ერთერთ საბოლოო სავარჯიშო დაშვებას ახორციელებდა, მან სიჩქარე ვერ დაიმორჩილა და ტრასის ბორტს შეეჯახა. შემთხვევის შედეგად, ქუმარიტაშვილი ციგიდან ამოვარდა და სასიკვდილოდ შეეჯახა ლითონის კონსტრუქციას. ამ დროს ის მხოლოდ 21 წლის იყო.
როგორც მოგვიანებით ორგანიზატორებმა განაცხადეს, ტრაგედია მოციგავის შეცდომის შედეგად მოხდა. ის ერთერთი მოსახვევიდან გვიან გამოვიდა, რის გამოც მართვაზე კონტროლი დაკარგა და მოხდა უბედური შემთხვევა.
ნოდარ ქუმარიტაშვილი 1988 წელს დაიბადა, მისი გარდაცვალების თარიღი კი 2019 წელია.
მასალა მოამზადა : მარიამ ტიელიძემ
