რუსეთი „საშინელ ფასს“ გადაიხდის და დამანგრეველი ეკონომიკური შედეგების წინაშე აღმოჩნდება, თუ პუტინი უკრაინაში შეიჭრება. ამის შესახებ აშშ-ის პრეზიდენტმა ჯო ბაიდენმა ვლადიმერ პუტინი გააფრთხილა. ინფორმაციას „როიტერსი“ ავრცელებს.
გამოცემის ცნობით, ბაიდენმა ჟურნალისტებთან საუბრისას აღნიშნა, რომ რუსეთის უკრაინაში შეჭრის შემთხვევაში შესაძლოა, აშშ-მა სახმელეთო საბრძოლო ჯარები გაგზავნოს, რამდენადაც შტატებს და ნატოს აღმოსავლეთ ფლანგის ქვეყნებში თავდაცვის გასაძლიერებლად მეტი ძალების გაგზავნა მოეთხოვებათ.
„მე აბსოლუტურად ნათლად ვუთხარი პრეზიდენტ პუტინს, რომ თუ ის უკრაინაში შეიჭრება, მისი ეკონომიკური შედეგები იქნება დამანგრეველი, დამღუპველი“, – განაცხადა ჯო ბაიდენმა.
ცნობისთვის, ბაიდენმა, რომელიც გასულ კვირას პუტინს ტელეფონით ორი საათის განმავლობაში ესაუბრა, თქვა, რომ პუტინის პირობების შეუსრულებლობის შემთხვევაში, რუსეთის პოზიცია მსოფლიოში “მკვეთრად შეიცვლება”.
