დღევანდელ რეალობაში ნებისმიერი მიმართულებით კონკურენცია დიდია. შესაბამისად, ჩვენ ვირჩევთ იმას, რაც სხვებისგან გამორჩეულია. “საბლე” საკონდიტროა, რომელსაც აქვს ისტორია, მის ხარისხში დიდი შრომაა ჩადებული და ყოველ მომდევნო დღეს ის კიდევ უფრო მრავალფეროვანია.
რა არის ის, რაც მას განსაკუთრებულს ხდის და როგორ მუშაობს გუნდი იმისთვის, რომ შედეგი იყოს ხარისხიანი – ამის შესახებ “თბილისი თაიმსს “საბლე”-ს მარკეტინგის მენეჯერი, ნინო არდია ესაუბრა.
რამდენი ხანია, რაც არსებობს “საბლე”?
“საბლე” თბილისში, კერძოდ, კეკელიძის 1-ელ ნომერში სექტემბერში გამოჩნდა. თუმცა, აქამდე მან დიდი გზა გაიარა… დამფუძნებლებს ჰყავთ შვილები და ყოველთვის კითხვის ნიშნის ქვეშ იყო, რომელი საკონდიტროს ნაწარმი შეეთავაზებინათ ოჯახისთვის. რომელი მათგანი იქნებოდა სანდო და უსაფრთხო. დაახლოებით, 1 წლის წინ – მაშინ, როდესაც პანდემია დაიწყო, დამფუძნებლებმა გადაწყვიტეს, ოჯახის წევრებისთვის სახლში მოემზადებინათ ტკბილეული, რომ დარწმუნებულები ყოფილიყვნენ ინგრედიენტებისა თუ პროდუქციის ხარისხში. ამ ყველაფერს დადებითი შეფასებები მოჰყვა, დაგროვებული გამოცდილების შემდეგ, გაჩნდა იდეა საკონდიტროს გახსნის, იმისათვის, რომ სხვებისთვისაც გაეზიარებინათ გემრიელი და ხარისხიანი ტკბილეული… გახსნამდე დაახლოებით 6 თვე ყოველდღიურ რეჟიმში მზადდებოდა, იხვეწებოდა და იცვლებოდა პროდუქცია სამზარეულოშ მოიძიეს ადგილი, საიდანაც გაუმასპინძლდებოდნენ მომხმარებელს, იპოვეს საუკეთესო შეფი, არჩევდნენ გულდასმით თითოეულ ინგრედიენტს თუ რეცეპტს, ტესტავდნენ. ქმნიდნენ და ა.შ.
ასე შეიქმნა “საბლე”, რომლის სახელი ფრანგული სიტყვიდან მოდის, “ფხვიერ ცომს” ნიშნავს და პროდუქციის დიდი ნაწილიც სწორედ ამდაგვარი ცომით მზადდება.
დეტალურად რომ გვითხრათ, რას ამზადებთ?
დღესდღეობით 10-მდე სახეობის პური ცხვება “საბლე”-ში, მათ შორის, უსაფუარო, უგლუტენო, თეთრი, რუხი, ჭვავის, ფრანგული გერმანული და სხვა.
საკონდიტრო ნაწილს რაც შეეხება – აქ შეხვდებით დესერტების ისეთ მრავალფეროვნებას, ნებისმიერი მომხმარებლის მოთხოვნას თუ გემოვნებას რომ დააკმაყოფილებს: ტარტები, ჩიზქეიქები, სხვადასხვა ტიპის ნამცხვრები მათ შორის ნაკლებშაქრიანი, სადღესასწაულო ტორტები, ჭიქის დესერტები.
ფუნთუშეულობის ნაწილში კრუასანები დიდი პოპულარულობით სარგებლობს და ხშირად მომხმარებელი ადარებს საზღვარგარეთ გასინჯულ პროდუქციას, ძალიან მოსწონთ… ამ მიმართულებით ასევე ხელმისაწვდომია ბრიოშები, პლიე, სიმითი თუ სხვა. ორცხობილების მოყვარულებს 7-მდე სახეობის სხვადასხვა ვარიანტს ვთავაზობთ, ყველაზე მოთხოვნადია ორცხობილა “საბლე”, რომელიც ჩვენ საკონდიტროსთან ასოცირდება გარდა ამისა ჩვენი კონდიტერი ხელით ამზადებს შოკოლადებს, რომლის ინგრედიენტიც ბელგიურია, საახალწლოდ შოკოლადის ნაძვის ხეს, ზარდახშას და სხვა გემრიელობას ვთავაზობთ მომხმარებელს, გემოსთან ერთად, ვიზუალზეც ვზრუნავთ, რომ გავალამაზოთ მნიშვნელოვანი დღეები.
აღსანიშნავია ჯემები, რომლებიც ნატურალური პროდუქციით ჩვენს სამზარეულოში მზადდება, ასევე, ნუგა, კარამელის ბატონი და სხვა. ყავა ძალიან არომატულია და ყოველ დილით სასიამოვნო სურნელს აყენებს ჩვენს საკონდიტროში.
რა არის ის, რაც თქვენს პროდუქციას გამოარჩევს?
ჩვენი პროდუქცია გამოირჩევა იმ სიყვარულით, რომლითაც თითოეულ მათგანს ვამზადებთ, მომხმარებელზე ზრუნვით, რომ სანდო პროდუქტი შევთავაზოთ, ქვეყნის მასშტაბით ერთ-ერთი საუკეთესო კონდიტერი გვყავს, ვიყენებთ ხარისხიან პროდუქტს და ნაკლები ფასის საფუძველზე პროდუქტის ხარისხის დაწევას არ ვამჯობინებთ, გარდა ამისა, “საბლე”-ში მომხმარებელს აქვს შესაძლებლობა, თავად დაათვალიეროს პროდუქტი, რადგან ის განლაგებულია უშუალოდ დარბაზში და არა – შუშებს მიღმა, შეუძლია, გაერკვეს რეცეპტში, გაიგოს შემადგენლობა… დახლს მიღმა მხოლოდ ის პროდუქტია განლაგებული, რომელსაც სპეციალური შენახვის პირობები სჭორდება…. სხვებისგან გამოგვარჩევს გუნდიც, საერთო მიზნისთვის ყოველ დღე სამზარეულოს კარს მიღმა, დილა იწყება მუსიკით, ერთმანეთთან კომუნიკაციით, აზრების გაცვლა-გამოცვლით, დაგემოვნებით, ხუმრობით და ახალი აღმოჩენებით. მენიუ მუდმივად განახლების პროცესშია, ყოველ დღე შეიძლება, ახალი დესერტი დაემატოს.
ამ სფეროში, კონკურენციას როგორ შეაფასებთ?
ქალაქში ბევრი საკონდიტროა, თუმცა, “საბლე”-ს აქვს ის ამბიცია, რესურსი და მზაობა, რომ გახდეს საუკეთესო… გარდა ამისა. ჩვენი პროდუქციის მრავალფეროვნება და სანდოობა ადამიანების სურვილებზეა მორგებული და ეს გვახარებს, აქ ბავშვებისთვისაც კი სანდო პროდუქცია მზადდება
სამომავლოდ რა გეგმები გაქვთ?
გვსურს, “საბლე” ადამიანებისთვის საყვარელი, გამორჩეულ გემოსა და ხარისხთან ასოცირებული ადგილი გახდეს, ვგეგმავთ ახალი ლოკაციების დამატებას თბილისის სხვადასხვა უბანში…. ასევე, მასტერკლასების ჩატარებას ვაპირებთ იმისათვის, რომ ჩვენი დაგროვებული გამოცდილება სხვებს გავუზიაროთ.
მასალა მოამზადა : მარიამ ტიელიძემ
