ფარისევლობა ერთ-ერთი უმძიმესი ცოდვაა. ქრისტიანული სარმწუნოების მიხედვით, ფარისეველი ადამიანი სათნოებას შეურაცხყოფს და თავისი საქციელით აბრკოლებს ყველა იმ პიროვნებას, რომელთაც ნამდვილად სურთ, უფლისკენ მიმავალ გზას დაადგნენ და მართლმადიდებლური ცხოვრების წესით იცხოვრონ.
ფარისევლობა ანუ ფარსი მორწმუნეობა 21-ე საუკუნის უდიდეს გამოწვევას წარმოადგენს. ზოგიერთი ადამიანი სხვების დასანახად მარხულობს, აბარებს აღსარებას და ეზიარება. ან ამასთან დაკავშირებით რაღაც წარმოდგენა და ვალდებულება გააჩნია. თუმცა ამ დროს, ქრისტიანი იმ მადლის მცირედსაც ვერ განიცდის, რასაც ამ წმინდა საიდუმლოში მონაწილე გულწრფელი სინანულის მქონე და ღირსეულად მზიარებელი იღებს.
ჩვენს თანამედროვეობაში ძალიან იშვიათად მოიძებნება ადამიანი, რომელიც ეკლესიაში ყოფნისას სხვა, ყველა ცხოველურ აზრსა და ინტერესებს იკლავს და მხოლოდ სულიერებაზე ფიქრობს.
სიტყვა ფარისევლობა ჯერ კიდევ სახარებაში გვხვდება. იგი ერთ დროს თანამდებობაც კი იყო, თუმცა მოგვიანებით სხვა პრაქტიკა და მნიშვნელობა შეიძინა. მლიქვნელი ადამიანი თავის ნებას არ მიჰყვება, იგი ცდილობს ისე მოიქცეს, როგორც სხვები. მთავარია გარეგნულად ასე სჩანდეს და სულიერებაზე საუბარი უკვე ზედმეტია.
ყველა სასულიერო პირი თანხმდება იმაზე, რომ ფარისევლობა ცოდვებს შორის ერთ-ერთ უდიდეს და უმძიმეს ცოდვას წარმოადგენს, რომელიც კაცობრიობას ჯერ კიდევ საუკუნეების წინ აწუხებდა.
მასალა მოამზადა: თორნიკე ყრუაშვილმა
